அருண விதானகமகே அல்லது 'கஜ்ஜா'&nbsp;படுகொலை செய்யப்பட்ட சம்பவம் தொடர்பான விசாரணையில் முக்கிய நபராக கருதப்பட்ட&nbsp;'அச்சினி' அல்லது 'அனுஷா லக்மாலி'&nbsp;'கஜ்ஜா'வுடன் நெருங்கிய தொடர்பைப் பேணி வந்தவரும் தாக்குதலுக்கு முன்னர் கஜ்ஜாவிற்கு இறுதியாக தொலைபேசி அழைப்பு மேற்கொண்டதும் இறுதித் குறுஞ்செய்தியை அனுப்பியதும் இவரே என விசாரணைகளில் தெரியவந்துள்ளது.&nbsp; 34 வயதான மித்தெனிய கடுவன பிரதேசத்தைச் சேர்ந்த இவர் டுபாயில் தலைமறைவாக இருந்தவேளையில் அந்நாட்டு பொலிஸாரால்&nbsp;கைது செய்யப்பட்டு சிறையில் அடைக்கப்பட்டிருந்த நிலையில் இலங்கை விசேட பொலிஸ் குழுவிடம் ஒப்படைக்கப்பட்டுள்ளார். மேலும் 'பெக்கோ சமன்' என்பவரின் ஆலோசனையின் பேரில் உணவருந்துவதற்காக 'கஜ்ஜா' மற்றும் அவரது இரு குழந்தைகளையும் உணவகம் ஒன்றுக்கு அழைத்துச் சென்றதும் இந்தப் பெண்ணேயாவார். அவ்வாறு உணவருந்த வந்தபோதே கஜ்ஜா உட்பட இரு குழந்தைகளும் துப்பாக்கிச் சூட்டில் கொல்லப்பட்டனர். இன்று (27.10.2026) காலை 5 மணிக்கு டுபாயிலிருந்து ஸ்ரீலங்கன் எயர்லைன்ஸ் விமானமான ருடு 226 மூலம் கட்டுநாயக்க விமான நிலையத்திற்கு அழைத்து வரப்பட்ட சந்தேகநபரிடம் விமான நிலைய குற்றப் புலனாய்வுத் திணைக்கள அதிகாரிகள் வாக்குமூலம் பதிவு செய்த பின்னர் பலத்த பாதுகாப்புக்கு மத்தியில் கொழும்பிலுள்ள குற்றப் புலனாய்வுத் திணைக்களத்தின் தலைமையகத்திற்கு அழைத்துச் செல்லப்பட்டுள்ளார்.

அச்சினி 'கஜ்ஜா'வுக்கு இறுதியாக அனுப்பிய SMS -தொலைபேசி

அச்சினி 'கஜ்ஜா'வுக்கு இறுதியாக அனுப்பிய SMS -தொலைபேசி

You may also like