மனோ கணேசன் விடுத்த கோரிக்கையை ஏற்று, தோட்டப் பகுதிகளில் அதிகரித்து வரும் வன்முறைகள் தொடர்பான பல்துறை அவசர மாநாட்டை எதிர்வரும் புதன்கிழமை நடத்துவதற்கு ஆனந்த விஜயபால இணக்கம் தெரிவித்துள்ளார். பாராளுமன்றத்தில் முன்வைக்கப்பட்ட கோரிக்கையைத் தொடர்ந்து, கடிதம் மற்றும் தொலைபேசி மூலமாகவும் மனோ கணேசன் அமைச்சருடன் கலந்துரையாடியிருந்தார். இரத்தினபுரி மற்றும் நுவரெலியா மாவட்டங்களில் அண்மையில் இடம்பெற்ற வன்முறைச் சம்பவங்கள் குறித்து கவலை வெளியிட்ட மனோ கணேசன், பொலிஸ் பிரிவு உயரதிகாரிகள், தோட்டக் கம்பனி பிரதிநிதிகள் மற்றும் அமைச்சர்கள் பங்கேற்கும் அவசர மாநாட்டை உடனடியாக கூட்டுமாறு கோரியிருந்தார். இந்த மாநாட்டில் தமிழ் முற்போக்கு கூட்டணி மற்றும் இலங்கை தொழிலாளர் காங்கிரஸ் பிரதிநிதிகளும் சிவில் செயற்பாட்டாளர்களும் பங்கேற்று, தோட்டப் பகுதிகளில் தொடரும் வன்முறைகளுக்கு நிரந்தர தீர்வு காண முயற்சிக்கவுள்ளதாக தெரிவிக்கப்பட்டுள்ளது.

தோட்டப் பகுதிகளில் அதிகரிக்கும் வன்முறை - அவசர மாநாடு எதிர்வரும் புதன்கிழமை

தோட்டப் பகுதிகளில் அதிகரிக்கும் வன்முறை - அவசர மாநாடு எதிர்வரும் புதன்கிழமை

You may also like