நாட்டிற்கு வடகிழக்கே நிலைகொண்டுள்ள குறைந்த அழுத்தப் பிரதேசம் காரணமாக, அடுத்த 36 மணித்தியாலங்களில் நாட்டின் பல பகுதிகளில் மேகமூட்டமான வானம் காணப்படுவதுடன், மழையோ அல்லது இடியுடன் கூடிய மழையோ பெய்யக்கூடும் என வளிமண்டலவியல் திணைக்களம் எச்சரித்துள்ளது. அதன்படி, மேல், சப்ரகமுவ, மத்திய, வடமேல் மற்றும் வடக்கு மாகாணங்களிலும் காலி மற்றும் மாத்தறை மாவட்டங்களிலும் 75 மில்லிமீற்றர் அளவான அவ்வப்போது மழையோ அல்லது இடியுடன் கூடிய மழையோ பெய்யக்கூடும் என அந்த திணைக்களம் தெரிவித்துள்ளது. அனுராதபுரம் மாவட்டத்தில் பல தடவைகள் மழை பெய்யக்கூடுமெனவும் ஊவா மற்றும் கிழக்கு மாகாணங்களின் சில இடங்களில் பிற்பகல் 1.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டிற்கு வடகிழக்காக நிலை கொண்டுள்ள இந்த குறைந்த அழுத்தப் பிரதேசத்தின் நகர்வு, வளர்ச்சி மற்றும் பாதை ஆகியவற்றை வளிமண்டலவியல் திணைக்களம் தொடர்ந்து உன்னிப்பாக அவதானித்து வருவதாக வளிமண்டலவியல் திணைக்களம் மேலும் தெரிவித்துள்ளது.

நாட்டில் 36 மணி நேரமும் இடியுடன் கூடிய மழைக்கான எச்சரிக்கை

நாட்டில் 36 மணி நேரமும் இடியுடன் கூடிய மழைக்கான எச்சரிக்கை

You may also like