ஐ.எம்.எப் பரிந்துரை மற்றும் ஒப்பந்தத்தின் பிரகாரம் 2026 ஆம் ஆண்டில் எமது&nbsp;வெளிநாட்டு கையிருப்பு 8.8 பில்லியன் அமெரிக்க டொலராக இருக்க வேண்டும். ஆனால் இன்று 6.5 பில்லியனை வைத்துக் கொண்டு மாதத்திற்கு 250 - 300 மில்லியன் சேர்ப்பது எளிதான காரியமல்ல என&nbsp;பாராளுமன்ற உறுப்பினர் ரவி கருணாநாயக்க தெரிவித்துள்ளார். ஊடகவியலாளர் சந்திப்பிலேயே அவர் இவ்வாறு தெரிவித்துள்ளார். தொடர்ந்துரையாற்றிய அவர்,'' இது தொடர்பாக மத்திய வங்கியின் சுயாதீனத்தன்மை குறித்து அரசாங்கத்திடம் நாங்கள் கேள்வி எழுப்புகிறோம்.&nbsp; 2024 செப்டம்பரில் ஆட்சி மாற்றத்தின் போது 6,100 மில்லியன் டொலராக இருந்தது. அதன் பின்னர் சர்வதேச நாணய நிதியத்தின் வெளிநாட்டு கையிருப்பு அதிகரிப்புக்காக மூன்று காலாண்டுகளாக பிரித்து வழங்கப்பட்ட நிதி (330 -3 -990 மில்லியன்). அவை அனைத்தும் சேர்ந்திருந்தால் குறைந்தது 7,100 மில்லியன் டொலராக இருந்திருக்க வேண்டும். ஆனால் அதற்கு பதிலாக இன்று 6,591 மில்லியன் டொலரே உள்ளது. எனவே, சர்வதேச நாணய நிதியம் கூறியதை விட கையிருப்பு குறைவாக உள்ளது. &nbsp;நேரடி முதலீடுகள், பங்குச்சந்தை முதலீடுகள் மற்றும் மத்திய வங்கி மூலம் வர வேண்டியவை அனைத்தும் சேர்ந்திருந்தால் இதைவிட அதிகமாக இருந்திருக்க வேண்டும். ஆனால் 990 மில்லியன் சேர வேண்டிய இடத்தில் 550 மில்லியன் டொலர் வெளியேறியுள்ளது.&nbsp; எனவே இது குறித்து அரசாங்கம் என்ன சொல்லப்போகிறது? அதாவது, இருக்கும் கையிருப்பைக் கொண்டு ரூபாயின் மதிப்பைப் பாதுகாக்க இந்த டொலர்களைப் பயன்படுத்துகிறார்கள். தயவுசெய்து இந்த கையிருப்பைப் பாதுகாக்கும் வேலைத்திட்டத்தை முன்னெடுக்குமாறு அரசாங்கத்தைக் கேட்டுக்கொள்கிறேன். இறுதியில் இந்தச் சுமை அரசாங்கத்தின் மீதே விழும். நிதி நிலையைச் சரியாகக் கையாளாத அரசாங்கம், மத்திய வங்கியின் சுயாதீனத்தன்மையைக் காரணம் காட்டித் தப்பிக்க முயலக் கூடாது. இதில் கட்சி வேறுபாடில்லை, நாட்டின் கையிருப்பை உருவாக்க நாம் அனைவரும் கடமைப்பட்டுள்ளோம்.''என தெரிவித்துள்ளார்.

வெளிநாட்டு கையிருப்பு தொடர்பில் ரவி கருணாநாயக்க வெளியிட்ட தகவல்

வெளிநாட்டு கையிருப்பு தொடர்பில் ரவி கருணாநாயக்க வெளியிட்ட தகவல்

You may also like