நாட்டின் சுகாதார சேவை வலையமைப்பை ஒரு வினைத்திறனான மற்றும் மக்கள் சார்ந்த அமைப்பாக மாற்றுவதே அரசாங்கத்தின் பிரதான இலக்கு என சுகாதார மற்றும் வெகுஜன ஊடக அமைச்சர் வைத்தியர் நளிந்த ஜயதிஸ்ஸ தெரிவித்துள்ளார்.&nbsp; நாட்டிற்கு வருகை தந்துள்ள உலக சுகாதார அமைப்பின் சர்வதேச நிபுணர் குழுவினரை சந்தித்து உரையாடிய போதே அவர் இதனை குறிப்பிட்டுள்ளார். குறிப்பாக, நாடு முழுவதும் ஆயிரம் சுகாதார மற்றும் நல்வாழ்வு மையங்களை நிறுவுவதற்கான திட்டம் மற்றும் ஆரம்ப சுகாதார சேவைகளை கணினி மயமாக்கும் பணிகளின் தற்போதைய நிலை குறித்து அமைச்சர் நிபுணர்களுக்கு விளக்கினார்.&nbsp; இந்த மையங்களை நிறுவுவதன் மூலம் தொற்றா நோய்களைக் கட்டுப்படுத்துவதுடன், புற்றுநோய் உள்ளிட்ட நோய்களை முன்கூட்டியே கண்டறிந்து கிராமப்புற மக்களுக்கு தரமான மற்றும் உடனடியான சுகாதார சேவைகளை வழங்குவதே தமது எதிர்பார்ப்பு என்றும் அவர் சுட்டிக்காட்டினார்.&nbsp; மேலும், இந்த மையங்கள் ஊடாக முன்னெடுக்கப்படும் முதியோர் பராமரிப்பு, ஊட்டச்சத்து ஆலோசனைகள் மற்றும் ஆய்வகப் பரிசோதனைகள் போன்ற சேவைகளின் விரிவாக்கம் குறித்தும் இதன்போது எடுத்துரைக்கப்பட்டது. வரையறுக்கப்பட்ட வளங்களைக் கொண்டு இலங்கை அரசாங்கம் பொதுமக்களுக்கு வழங்கி வரும் அதிகபட்ச சுகாதார சேவைகளை பாராட்டிய நிபுணர் குழு, சுகாதார சேவைகளை டிஜிட்டல் மயமாக்குவதன் மூலம் அதன் செயல்திறனை அதிகரிப்பதற்கான சாத்தியக்கூறுகள் மற்றும் அதற்காக உலக சுகாதார அமைப்பு வழங்கக்கூடிய தொழில்நுட்ப மற்றும் நிதி ஆதரவு குறித்து ஆராய்ந்தது.&nbsp; இந்தக் கலந்துரையாடலில் ஜப்பான், அவுஸ்திரேலியா, இங்கிலாந்து மற்றும் தாய்லாந்து ஆகிய நாடுகளைச் சேர்ந்த சர்வதேச சுகாதார நிபுணர்கள் மற்றும் அமைச்சின் உயர்மட்ட அதிகாரிகள் பலரும் கலந்துகொண்டனர்.&nbsp;

சுகாதார சேவையை வினைத்திறனானதாக மாற்ற இணக்கம்

சுகாதார சேவையை வினைத்திறனானதாக மாற்ற இணக்கம்

You may also like