நாட்டின் விவசாயத் தேவைகளைப் பூர்த்தி செய்வதற்காக 25,000 தொன் உரத்தை ஏற்றிய கப்பலொன்று நாளை நாட்டை வந்தடையவுள்ளதாக விவசாய மற்றும் கால்நடை வளங்கள் பிரதி அமைச்சர் நாமால் கருணாரத்ன தெரிவித்துள்ளார். சிறுபோக பருவச் செய்கை ஆரம்பமாகியுள்ள நிலையில், விவசாயிகளிடையே எழுந்துள்ள உரத் தட்டுப்பாட்டு அச்சத்தை நிவர்த்திக்கும் வகையிலேயே இந்த நடவடிக்கை எடுக்கப்பட்டுள்ளதாக அவர் குறிப்பிட்டுள்ளார். நாட்டில் உரப் பிரச்சினை ஏற்பட வாய்ப்பில்லை. உள்நாட்டுத் தேவையை விடவும் அதிகளவிலான கையிருப்பு தற்போது அரசாங்கத்திடம் உள்ளது. நெற்செய்கைக்கு சுமார் 80,000 தொன் யூரியா தேவைப்படும் நிலையில், தற்போது சுமார் ஒரு இலட்சம் தொன் கையிருப்பு உள்ளது. உப பயிர்ச்செய்கைகள் மற்றும் மேலதிகத் தேவைகளைக் கருத்திற்கொண்டே நாளை 25,000 தொன் உரம் கொண்டுவரப்படுகிறது. உலகளாவிய ரீதியில் உர விநியோகத்தில் சவால்கள் காணப்பட்ட போதிலும், அரசாங்கம் அதனைச் சரியாக முகாமைத்துவம் செய்து வருவதாகவும், மேலும் பல உரக் கப்பல்களைக் கொண்டுவருவதற்கான கட்டளைகள் ஏற்கனவே பிறப்பிக்கப்பட்டுள்ளதாகவும் அவர் தெரிவித்துள்ளார்.

உரம் ஏற்றிய கப்பலொன்று நாளை நாட்டிற்கு

உரம் ஏற்றிய கப்பலொன்று நாளை நாட்டிற்கு

You may also like