'' ஈஸ்டர் தின தாக்குதலுடன் தொடர்புபட்ட சாரா ஜெஸ்மின் உயிருடன் இருப்பதாக அமைச்சர் ஆனந்த கூறியிருந்தார்.&nbsp;&nbsp;இந்த விடயத்தில் சில சந்தேகங்கள் இருக்கின்றன. இதனை திசை திருப்ப சில அதிகாரிகள் முயற்சிக்கின்றனர் என்ற சந்தேகங்கள் உள்ளன'' இவ்வாறு இலங்கை தமிழரசுக் கட்சி பாராளுமன்ற உறுப்பினர் சாணக்கியன் இராசமாணிக்கம் தெரிவித்துள்ளார். பாராளுமன்றத்தில் இன்று வியாழக்கிழமை நடைபெற்ற உயிர்த்த ஞாயிறு தாக்குதல் தொடர்பான சபை ஒத்திவைப்பு வேளை பிரேரணை மீதான விவாதத்தில் உரையாற்றுகையிலேயே அவர் இவ்வாறு கூறினார்.இதன்போது சாணக்கியன் எம்.பி மேலும் தெரிவிக்கையில் கூறியதாவது, Channel 4 இல் வெளியான காணொளியின் அடிப்படையில்விசாரணைகள் மேற்கொள்ளப்பட்டதாக.&nbsp;ஈஸ்டர் குண்டுவெடிப்பு தொடர்பான விசாரணைகள் குறித்து அமைச்சர்&nbsp;&nbsp;முன்பு கூறியிருந்தார், எனினும், அதற்கு முன்பாகவே Channel 4 இல்வெளியான மூன்று காணொளிகள் உள்ளன. அவை ஈழப் போர் காலத்தில் இடம்பெற்றதாகக்கூறப்படும் இராணுவ மனித உரிமை மீறல்கள் மற்றும் கொடுமைகள் குறித்துவெளிப்படுத்தப்பட்டவை. ஆகையால், அவை தொடர்பாகவும் முறையான விசாரணைகள்மேற்கொள்ளப்பட வேண்டியது அவசியமாகும். ஈஸ்டர் தாக்குதல் தொடர்பான விசாரணைகளின் ஒரு பகுதியாக சுரேஷ் சலே வின் கைது இடம்பெற்றுள்ளது. கட்சி வேறுபாடுகளைத் தாண்டி, இந்தக் கைது நடவடிக்கையை நாங்கள் வரவேற்கின்றோம். ஏனெனில், இது முந்தையஆட்சிகளில் நிகழ்ந்திருக்க வாய்ப்பே இல்லை என்பதில் எமக்கு உறுதி உள்ளது.எனினும், சுரேஷ் சாலே&nbsp;கைது செய்யப்பட்டிருந்தாலும் கூட, சிலஉயர்மட்ட பொலிஸ் அதிகாரிகள் இந்த விசாரணைகளைத் திசைதிருப்பும் நோக்கில்பல்வேறு கோணங்களில் செயல்படுகின்றனர் என்பது எமக்கு தெளிவாகக்காணப்படுகிறது.&nbsp; தன்னிடம் மூன்றாவது முறையாக டி.என்.ஏ பரிசோதனைமேற்கொள்ளப்படவில்லை என்று. சாரா ஜாஸ்மினின்&nbsp;தாயார் என்னிடம் நேரடியாகக்கூறியுள்ளார் –&nbsp;அப்படியிருக்கையில், சாரா ஜாஸ்மின்&nbsp;&nbsp;உயிரிழந்தார் என்று எவ்வாறு உறுதியாகக் கூற முடியும்? மேலும்,சாரா ஜாஸ்மின்&nbsp;இறப்பதற்கு முன் இரண்டு மாத கர்ப்பிணியாக இருந்தார் என்றும்ஒரு பொலிஸ்அதிகாரி&nbsp;&nbsp;தெரிவித்துள்ளார். மேலும், பிள்ளையான்&nbsp;சிறையில் இருந்த காலத்தில் ‘வேட்டை’ (Vettai)என்ற பெயரில் ஒரு புத்தகத்தை வெளியிட்டார். ஆனால், அந்தப் புத்தகத்தைஉண்மையில் எழுதியவர் Rohan Gunaratna என்ற பேராசிரியர் என்பதில் எமக்குஉறுதியான தகவல்கள் உள்ளன. இதனை உறுதிப்படுத்தும் வகையில், ஒரு விசேட விசாரணைக் குழுவை அமைத்தால்,அதற்கான சாட்சியங்களையும் ஆதாரங்களையும் வழங்க எங்களால் தயாராக இருக்கமுடியும். இந்தப் புத்தகம் எவ்வாறு எழுதப்பட்டது, யார் தகவல்களைவழங்கினர், யார் வெளியிட்டனர் என்பன குறித்து விசாரணைமேற்கொள்ளப்பட்டால், பல முக்கியமான உண்மைகள் வெளிச்சத்துக்கு வரும். குறிப்பாக, இந்த உயிர்த்த ஞாயிறு தாக்குதல் தொடர்பான விசாரணைகள்முன்னெடுக்கப்படுவது குறித்து அரசாங்கத்திற்கு எனது நன்றிகளைத்தெரிவித்துக் கொள்கிறேன். ஏனெனில், 2020ஆம் ஆண்டு நாம் எதிர்க்கட்சியாகஇருந்து இந்த விடயத்தைப் பற்றி பலமுறை இந்த சபையில்எடுத்துரைத்தபோதிலும், அப்போது இருந்த அரசாங்கம் எந்தவிதமான பொருத்தமானநடவடிக்கைகளையும் மேற்கொள்ளவில்லை. எனவே, கட்சி வேறுபாடுகளைத் தாண்டி, இந்த விசாரணைகள் நடைபெறுவதற்காகஇவ்வரசாங்கத்திற்கு நான் உண்மையிலேயே நன்றி தெரிவிக்கிறேன். சுரேஷ் சலேபோன்ற நபர்களைக் கைது செய்வது சாத்தியமற்ற ஒன்றாகக் கருதப்பட்ட நிலையில்,அவரை கைது செய்து விசாரணைகளை முன்னெடுப்பது பாராட்டத்தக்க செயல் ஆகும்.இந்த விசாரணைகளுக்கு எங்களால் வழங்கக்கூடிய முழுமையான ஒத்துழைப்பையும்தொடர்ந்து வழங்குவோம். &nbsp;இந்நாட்களில் பேசுபொருளாக உள்ள இன்னொருமுக்கிய விடயம் இந்த உயிர்த்த ஞாயிறு தாக்குதல் தொடர்பாக எழுதப்பட்டபுத்தகமாகும். 2021–2022 காலப்பகுதியில் பிள்ளையான்&nbsp;‘வேட்டை’என்ற பெயரில் தமிழில் ஒரு புத்தகத்தை வெளியிட்டார். அந்தப் புத்தகத்தைஉண்மையில் அவர் எழுதியவரா என்பது இந்த நாட்டில் உள்ள அனைவருக்கும்சந்தேகமே. நான் பொறுப்புடன் கூறுகிறேன் – அந்தப் புத்தகத்தை எழுதியவர் ரொஹான்&nbsp;குணரத்ன என்ற நபர். அவர் ஒரு தொழில்நுட்பப் பல்கலைக்கழகத்தில் பாதுகாப்புஆய்வுகள் பேராசிரியராக உள்ளார். தொழில்நுட்பப் பல்கலைக்கழகத்தில்பாதுகாப்பு ஆய்வுகள் எவ்வாறு கற்பிக்கப்படுகின்றன என்பது குறித்து கூடகேள்விகள் எழுகின்றன. உங்கள் கீழ் ஒரு விசேட குழுவை அமைத்து இந்த விவகாரத்தில் விசாரணைநடத்துங்கள். பிள்ளையானுக்கு இந்தப் புத்தகத்தை எழுத ரொஹான் குணரத்னவுக்குதகவல்களை வழங்கிய நபரை நான் அடையாளப்படுத்தத் தயாராக இருக்கிறேன். அவர்மூலம் இந்தப் புத்தகம் உருவாக்கப்பட்டது. பின்னர் அது பிள்ளையான் மூலம்வெளியிடப்பட்டது. இந்தப் புத்தகத்தைச் சுற்றி எமக்கு பல சந்தேகங்கள் உள்ளன. குறிப்பாக,ரொஹான் குணரத்னவை காவல்துறை தலைமையகத்தின் ஏழாவது மாடிக்கு அழைத்துச்சென்ற நபர் யார் என்பதை கவனிக்க வேண்டும். திரிபோலி குழுவுடன் மற்றும்இஸ்லாமிய மையங்களுடன் தொடர்புடைய ஓட்டமாவடி பகுதியைச் சேர்ந்த கலீல் என்றநபர் இதற்கு பின்னணியில் உள்ளார். இந்த கலீல் என்பவர் முன்பு பொலிஸ் பயஸ்&nbsp;, சமத் போன்ற நபர்களுடன் இணைந்துசெயல்பட்டவர். மேலும், 2009க்குப் பின்னர் ஏறாவூர் பகுதியின் பொறுப்பில்இருந்த இஸ்மாயில் இஷாக் என்பவருடனும் இவருக்கு தொடர்புகள் இருந்தன.மேலும், 2015–2018 காலப்பகுதியில் இவர் பிள்ளையானுடன் சிறையில் இருந்தவர்என்பதும் குறிப்பிடத்தக்கது. ஜனாதிபதி மட்டத்தில் இந்த விசாரணைகளை முன்னெடுக்க ஆர்வம் இருந்தாலும்,காவல்துறையில் உள்ள அனைவரும் அதே நேர்மையுடன் செயல்படுகின்றனர் என்றுநான் நம்ப முடியவில்லை. காவல்துறையினுள் உள்ள ஒரு பகுதி இந்த விசாரணைகளைதிட்டமிட்ட முறையில் திசைதிருப்ப முயற்சிக்கின்றது என்ற சந்தேகம் எமக்குஉள்ளது. முன்னர் கூறப்பட்டபடி, மத அடிப்படையிலான குற்றச்சாட்டுகள் முன்வைத்து,தேவையற்ற நபர்கள் தொடர்புபடுத்தப்பட்டனர். சிலர் கொலை செய்யப்பட்டதாகக்கூறப்பட்ட நிலையில், தற்போது அந்த நபர் நாட்டைவிட்டு தப்பிச்சென்றுள்ளதாகத் தகவல்கள் வெளியாகின்றன. என்னிடம் ஆதம் லெப்பை முஹம்மது ரமீஸ் என்பவரின் கடிதம் உள்ளது.12.03.2026 அன்று அவர் ஜனாதிபதிக்கு அனுப்பிய முறைப்பாட்டில், 2017–2018காலப்பகுதியில் சாட்சிகள் திசைதிருப்பப்பட்டதாகக் கூறியுள்ளார். அவரின் சகோதரர் ஆதம் லெப்பை முஹம்மது ரியாஸ், 21.04.2018 அன்றுகொல்லப்பட்டுள்ளார். அவர் ஒரு இராணுவ புலனாய்வு அதிகாரி. மேலும்,எம்.எஸ்.எம். முபாரக் என்பவர் 10.03.2018 அன்று கொல்லப்பட்டுள்ளார். இவர்சஹ்ரான் ஹாசிம் குழுவின் வணிகத் தொடர்புகளுடன் இணைந்திருந்தவர். அதேபோல், பழனி பாப்பா என்பவர் 08.06.2018 அன்று சாட்சியளித்த பின்னர்கொல்லப்பட்டுள்ளார். இந்தச் சம்பவங்களில் பயன்படுத்தப்பட்ட ஆயுதங்களின்சான்றுகள்கூட மீட்கப்படவில்லை. &nbsp;காவல்துறையினுள் உள்ள சிலர் சாட்சியங்களைமறைப்பதோடு மட்டுமல்லாமல், விசாரணைகளை திசைதிருப்புகின்றனர். இறுதியில்வழக்கை நீதிமன்றத்தில் தாக்கல் செய்வது காவல்துறையினர்தான் என்பதால்,அவர்கள் உண்மையை மறைத்தால் நீதி நிலைநிறுத்தப்படாது. மேலும், சாரா ஜாஸ்மின் தொடர்பான டி.என்.ஏ பரிசோதனை குறித்த விவகாரமும்மீண்டும் கவனத்திற்கு எடுத்துக்கொள்ளப்பட வேண்டும். - என்றார் சாணக்கியன்

உயிர்த்த ஞாயிறு தின தாக்குதல் விசாரணை திசை திரும்புகிறதா? - சாணக்கியன் சந்தேகம் !

உயிர்த்த ஞாயிறு தின தாக்குதல் விசாரணை திசை திரும்புகிறதா? - சாணக்கியன் சந்தேகம் !

You may also like