சிம்பாப்வே மற்றும் தென்னாப்பிரிக்க அணிகளுக்கு எதிரான ஒருநாள் கிரிக்கெட் தொடர்களுக்கான அவுஸ்திரேலிய அணி அறிவிக்கப்பட்டுள்ளது. அடுத்த ஆண்டு நடைபெறவுள்ள ஒருநாள் உலகக் கோப்பைக்கு தயாராகும் வகையில் இந்த தொடர்கள் முக்கியத்துவம் பெற்றுள்ளன. சிம்பாப்வேக்கு எதிரான தொடர் செப்டம்பர் 15ஆம் திகதி ஆரம்பமாகவுள்ளது. அத்துடன், அடுத்த போட்டிகள் செப்டம்பர் 18 மற்றும் 20ஆம் திகதிகளில் நடைபெறவுள்ளன. தொடர்ந்து செப்டம்பர் 24ஆம் திகதி தென்னாப்பிரிக்காவுக்கு எதிரான தொடர் ஆரம்பமாகிறது. இந்த அணியில் கடந்த உலகக் கோப்பையில் விளையாடிய நட்சத்திர வீரர் மார்னஸ் லபுஷேன் இடம்பெறவில்லை. 2022ஆம் ஆண்டு முதல் அவுஸ்திரேலிய அணியில் நிரந்தர இடத்தை தக்கவைத்திருந்த அவர், சமீபத்திய போட்டிகளில் எதிர்பார்த்தளவு சிறப்பாக செயல்படாததால் நீக்கப்பட்டுள்ளதாக தெரிவிக்கப்படுகிறது. இதனால், அடுத்த ஆண்டு உலகக் கோப்பைக்கான ஆஸ்திரேலிய அணியில் லபுஷேன் இடம்பெறுவாரா என்ற கேள்வியும் எழுந்துள்ளது. இதேவேளை, அறிமுக வீரர்களான ஜோயல் டேவிஸ், ஆலிவர் பீக் மற்றும் கூப்பர் கானலி ஆகியோருக்கும் அணியில் வாய்ப்பு வழங்கப்பட்டுள்ளது. 19 வயதுக்குட்பட்டோருக்கான உலகக் கோப்பையில் சிறப்பாக விளையாடிய ஆலிவர் பீக்கிற்கு மீண்டும் வாய்ப்பு கிடைத்துள்ளது. அணித்தலைவர் பேட் கம்மின்ஸ் மற்றும் வேகப்பந்து வீச்சாளர் மிட்செல் ஸ்டார்க் ஆகியோர் தென்னாப்பிரிக்காவுக்கு எதிரான ஒருநாள் தொடரில் மாத்திரம் விளையாடவுள்ளனர்.

ஒருநாள் தொடருக்கான அவுஸ்திரேலிய அணி அறிவிப்பு; லபுஷேன் அதிரடியாக நீக்கம்!

ஒருநாள் தொடருக்கான அவுஸ்திரேலிய அணி அறிவிப்பு; லபுஷேன் அதிரடியாக நீக்கம்!

You may also like