இலங்கை தொழிலாளர் காங்கிரஸின் மே தினக் கொடியேற்ற நிகழ்வு கொட்டகலை காங்கிரஸ் தொழிலாளர் நிறுவன வளாகத்தில் சிறப்பாக நடைபெற்றது.

அதன் பின்னர் இலங்கை தொழிலாளர் காங்கிரஸின் ஸ்தாபக தலைவர் அமரர் சௌமியமூர்த்தி தொண்டமான் மற்றும் அதன் முன்னாள் தலைவரும் பொதுச் செயலாளருமான அமரர் ஆறுமுகம் தொண்டமான் ஆகியோரை நினைவுகூர்ந்து, அவர்களின் உருவப் படங்களுக்கு மலர்தூவி, மலர் மாலைகள் இட்டு மௌன அஞ்சலி செலுத்தப்பட்டது.

இந்நிகழ்வில் கட்சியின் தவிசாளரும் நிதிச்செயலாளருமான மருதப்பாண்டி ராமேஸ்வரன் தலைமையேற்று இ.தொ.காவின் கட்சிக் கொடியை ஏற்றி வைத்தார்.

தொடர்ந்து அவர் அனைத்து தொழிலாளர்களுக்கும் மே தின வாழ்த்துகளைத் தெரிவித்ததுடன், இன்றைய பொருளாதார நெருக்கடி நிலைமையை கருத்தில்கொண்டு இலங்கை தொழிலாளர் காங்கிரஸின் மே தின நிகழ்வுகளை பிரதேச வாரியாக நடாத்தியது எனவும் தொழிலாளர் உரிமைகள் மற்றும் நலன்களைப் பாதுகாக்க கட்சி தொடர்ந்து செயல்படும் என்றும் குறிப்பிட்டார்.

மேலும், இந்நிகழ்வில் இ.தொ.கா வின் தேசிய அமைப்பாளர் பழனி சக்திவேல், பிரதி தலைவர் அனுசியா சிவராஜா, பிரதி தவிசாளர் பெ. ராஜதுரை, போசகர் பொ. சிவராஜா, உப தலைவர் சச்சிதானந்தன் ,உதவி தேசிய அமைப்பாளர் ராஜமணி பிரசாந்த் , உள்ளிட்ட பல முக்கியஸ்தர்கள் உள்ளிட்ட உள்ளூராட்சி மன்ற தலைவர்கள், உறுப்பினர்கள் மற்றும் தோட்டத் தலைவர்கள், தலைவிமார்கள் என பலரும் கலந்துகொண்டனர்.

தலவாக்கலை நிருபர்

இ.தொ.காவின் மே தின நிகழ்வு

இ.தொ.காவின் மே தின நிகழ்வு

You may also like