ஈரானுடனான போர் தற்போது முடிந்து விட்டது என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார். அமெரிக்க அமைச்சரவை கூட்டத்தில் வைத்து அவர் இதனை குறிப்பிட்டுள்ளார். அணுசக்தி ஒப்பந்தம் தொடர்பாக உடன்பாடு ஏற்படாததால் ஈரான் மீது அமெரிக்கா - இஸ்ரேல் இணைந்து கடந்த பெப்ரவரி மாதம் 28 ஆம் திகதி முதல் போர் தொடுத்தன. இதற்கு பதிலடியாக இஸ்ரேல் மற்றும் வளைகுடா நாடுகளில் உள்ள அமெரிக்க இராணுவ தளங்கள் மீது ஈரான் தாக்குதல் நடத்தி வருகிறது.&nbsp; இதற்கிடையே போரை நிறுத்த 15 அம்ச திட்டத்தை அமெரிக்கா அறிவித்தது. இந்த அறிவிப்பை மத்தியஸ்தம் செய்யும் பாகிஸ்தான், எகிப்து, துருக்கி ஆகிய நாடுகள் மூலம் ஈரானுக்கு அறிவித்தது. மேலும் பேச்சுவார்த்தை நடத்த அமெரிக்கா மத்தியஸ்தர்கள் மூலம் தகவல் அனுப்புவதாக ஈரான் தெரிவித்தது. ஆனால் அமெரிக்காவின் 15 அம்ச திட்டத்தை ஈரான் நிராகரித்தது. போரை முடிவுக்கு கொண்டு வர ஈரான் 5 நிபந்தனைகளை வெளியிட்டது.&nbsp; எதிரியின் தாக்குதல்கள் மற்றும் கொலைகள் முழுமையாக நிறுத்தப்பட வேண்டும்.&nbsp; மீண்டும் போர் தொடங்காமல் இருக்க உறுதியான செயல்முறைகள் உருவாக்கப்பட வேண்டும்.&nbsp; போர் சேதங்களுக்கு இழப்பீடு வழங்கப்பட வேண்டும்.&nbsp; ஆயுத குழுக்களுக்கு எதிராக நடக்கும் போர் உள்பட அனைத்து தாக்குதல்களும் நிறுத்தப்பட வேண்டும்.&nbsp; ஹோர்முஸ் நீரிணையை கட்டுப்படுத்தும் ஈரானின் அதிகாரத்தை உலக நாடுகள் அங்கீகரிக்க வேண்டும் என்று நிபந்தனைகளை விதித்துள்ளது. இந்தநிலையில் அமெரிக்காவுடன் பேச்சுவார்த்தை நடத்தும் திட்டம் இல்லை என்று ஈரான் வெளியுறவுத்துறை அமைச்சர் அப்பாஸ் அராக்சி தெரிவித்துள்ளார். இந்தநிலையில், அமெரிக்க அமைச்சரவையில் உiயாற்றிய, அந்த நாட்டு ஜனாதிபதி டொனால்ட் ட்ரம்ப், போர் முடிந்து விட்டதாக அறிவித்தார். ஈரான் மத்திய கிழக்கை கைப்பற்ற முயன்றது. மனநலன் பாதிக்கப்பட்டவர்கள் கையில் அணு ஆயுதம் இருக்கக் கூடாது.&nbsp; போர் நடந்து கொண்டிருந்தபோது நேட்டோ உதவததால் நான் மிகுந்த அதிருப்தியில் உள்ளேன்.&nbsp; ஈரான் எங்களுடன் பேச்சுவார்த்தை நடத்த விரும்புகிறது என டொனால்ட் ட்ரம்ப் தெரிவித்தார்.

ஈரானுடனான போர் முடிந்து விட்டது – டொனால்ட் ட்ரம்ப்

ஈரானுடனான போர் முடிந்து விட்டது – டொனால்ட் ட்ரம்ப்

You may also like