கர்ப்ப காலத்தில் பெண்கள் பல்வேறு ஆரோக்கிய சிக்கல்களை எதிர்கொள்கின்றனர்.&nbsp;அவற்றில் ஒன்று கர்ப்ப கால நீரிழிவு நோய். இந்த நோய்&nbsp;பல கர்ப்பிணிகளுக்கு பிரச்சினையாக மாறுகிறது. பொதுவாகவே கர்ப்பிணிகள் தங்கள் உணவில் சிறப்பு கவனம் செலுத்த வேண்டும். ஏனென்றால், ஒரு கர்ப்பிணி உண்ணும் உணவுதான்&nbsp;அந்தக் குழந்தைக்கும் ஊட்டச்சத்தைக் கொடுக்கிறது. கர்ப்ப காலத்தில் ஒரு பெண்ணுக்கு ஏற்படும் நோய்கள் மற்றும் அதற்கான சிகிச்சையும் கருவில் இருக்கும் குழந்தையையும் பாதிக்கும் என்பதால், கர்ப்பிணிகள் மிகவும் கவனமாக இருக்கவேண்டும். தற்காலத்தில் சர்க்கரை நோயென்பது அதிகம் கேள்விப்படும் விஷயமாக மாறிவிட்டது. அதிலும், கர்ப்பிணிகளுக்கு சர்க்கரை நோய் வந்தால் அது சிக்கலாக மாறுகிறது. வயிற்றிலுள்ள குழந்தையையும் பாதிக்கும். நீரிழிவு நோயால் பாதிக்கப்பட்ட கர்ப்பிணிகள், தங்கள் உணவில் கவனமாக இருக்க வேண்டும். அவர்கள், எதைச் சாப்பிட்டாலும் குடித்தாலும் இரத்தச் சர்க்கரை அளவு அதிகரிக்காமல் இருப்பவையாக தேர்ந்தெடுத்துக்கொள்ள வேண்டும். &nbsp;கர்ப்ப கால நீரிழிவு நோய் கர்ப்ப காலத்தில் சர்க்கரை நோய் வந்தால், கர்ப்பிணிகள் எந்த வகையான உணவுகளை உண்ணலாம், எதைத் தவிர்க்க வேண்டும் என்பதைத் தெரிந்துகொள்வோம். கர்ப்ப காலத்தில் கர்ப்பிணியின் உடலில் பலவிதமான மாற்றங்கள் ஏற்படுகின்றன. சர்க்கரை அளவு அதிகரிப்பது அல்லது குறைவதை கர்ப்ப கால நீரிழிவு என்று அழைக்கிறோம். கர்ப்பிணிகளுக்கு கர்ப்ப காலத்தில் வரும் நீரிழிவு நோய்க்கு ஹோர்மோன் சமநிலையின்மை, உடல் பருமன் உட்பட பல்வேறு காரணங்கள் இருக்கலாம். கர்ப்ப கால நீரிழிவென்பது பிரசவத்தின்போது அபாயத்தை அதிகரிக்கும், அதிலும் குறிப்பாக, அறுவை சிகிச்சை மூலம் பிரசவம் நடைபெற்றால் ஆபத்துகள் அதிகமாகும். அதோடுகூட, குழந்தைக்கு சர்க்கரை அளவில் மாறுபாடு மற்றும் மஞ்சள் காமாலை நோய் ஏற்படும் அபாயமும் அதிகரிக்கும். எனவே, இரத்தச் சர்க்கரை அளவை கட்டுக்குள் வைக்க கர்ப்பிணிகள் தங்கள் உணவுப் பழக்கத்தில் பலவிதமான மாற்றங்களைச் செய்ய வேண்டும். அதில், சில உணவுகளை அதிகமாக உட்கொள்ள வேண்டுமென்றால் சில உணவுகளை முற்றிலுமாக தவிர்க்க வேண்டும். கர்ப்ப கால நீரிழிவு டயட்நார்ச்சத்து நிறைந்த உணவுகள் சர்க்கரை அளவைக் கட்டுப்படுத்த உதவும். அதேபோல், கர்ப்பிணிகள் தங்கள் உணவில் பருப்பு வகைகள், பழங்கள், காய்கறிகள் மற்றும் முழு தானியங்களை அதிகமாகச் சேர்த்துக்கொள்ள வேண்டும். உளுத்தம் பருப்பு, துவரம் பருப்பு, பாசிப் பருப்பு கடலை பருப்பு சேர்த்துக்கொள்ளலாம். அதேபோல் காய்களில் பாகற்காய், சுரைக்காய், கீரை மற்றும் நீர் காய்கறிகளை அதிகமாக சேர்த்துக்கொள்ள வேண்டும். பழ வகைகளில் அப்பிள், பேரிக்காய், ஓரஞ்சு, எலுமிச்சை என ஊட்டச்சத்து மிகுந்த பழங்களையும், பருவகால பழங்களையும் உண்ணலாம். கர்ப்பிணிகளுக்கு புரதம் அதிகமுள்ள உணவுகள் அவசியமானவை. இரத்தச் சர்க்கரை அளவைப் பராமரிக்க, மீன் டோஃபு, கோழி, முட்டை ஆகியவற்றை உணவில் சேர்த்துக்கொள்வது நல்லது. இதுபோன்ற உணவுகள், உடலுக்கு ஊட்டச்சத்தை வழங்குவதுடன், இரத்தச் சர்க்கரை அளவையும் கட்டுப்படுத்துகின்றன. கொழுப்புச் சத்துகள் கரு வளர்ச்சிக்கு உதவும் விற்றமின் ஈ போன்ற ஆரோக்கியமான கொழுப்புகள் தாய் மற்றும் சேய்க்கு நன்மை பயக்கக்கூடியவை. இன்சுலின் உணர்திறனை அதிகரிக்கும் கொழுப்புகள் இரத்தச் சர்க்கரை அளவைக் கட்டுப்படுத்தவும் உதவுகின்றன. கொழுப்பு உணவை மிகவும் அதிகமாக எடுத்துக்கொள்வது வேறு விதமான பிரச்சினைகளை அதிகரிக்குமென்பதால் அளவுடன் எடுத்துக் கொள்வது நல்லது. கல்சியம் சத்து பால், பன்னீர், தயிர் மற்றும் வீட்டில் தயாரிக்கப்பட்ட பால் சேர்த்த பொருட்களைக் கர்ப்பிணிகள் உண்ணலாம். ஆனால், அந்தப் பால், குறைந்த கொழுப்பு கொண்டதாக இருப்பது நல்லது. எலும்புகள் வலுவாக இருக்கவும், குழந்தையின் வளர்ச்சிக்கும் பால் அவசியம். காய்கறிகளில் மாவுச்சத்துகொண்ட ப்ரோக்கோலி, குடைமிளகாய், கீரை, கோலிபிளவர் போன்றவற்றை சேர்த்துக்கொள்ளலாம், இவை இரத்தச் சர்க்கரை அளவைக் கட்டுப்படுத்தும். கர்ப்பிணிகள் தவிர்க்க வேண்டிய உணவுகள் கர்ப்பிணிகள் சில உணவுகளை அவசியம் தவிர்க்க வேண்டும். அவற்றில், குளிர்பானங்கள், சோடா ஆகியவை முக்கியமானவையென்றால், இனிப்புகளும் துரித உணவுகளும் இரத்தச் சர்க்கரையை அதிகரிக்குமென்பதால், அவற்றையும் கர்ப்பிணிகள் தவிர்க்க வேண்டும்.

கருவிலுள்ள குழந்தையையும் பாதிக்கும் நீரிழிவு நோய்!

கருவிலுள்ள குழந்தையையும் பாதிக்கும் நீரிழிவு நோய்!

You may also like