அமைச்சர் விஜித ஹேரத் சர்வதேச ரீதியில் இலங்கையை வேடிக்கைப் பொருளாக்கியுள்ளதாக ஸ்ரீ லங்கா பொதுஜன பெரமுனவின் பொதுச் செயலாளரும் முன்னாள் பாராளுமன்ற உறுப்பினருமான சட்டத்தரணி சாகர காரியவசம் தெரிவித்துள்ளார். பத்தரமுல்லயில் உள்ள கட்சித் தலைமையகத்தில் இன்று நடைபெற்ற ஊடகவியலாளர் சந்திப்பில் கலந்துகொண்டு கருத்து வெளியிடும் போதே அவர் இதனை குறிப்பிட்டுள்ளார். ஆங்கில மொழி பேசத் தெரியாதது ஒரு வெட்கத்திற்குரிய விடயமல்ல&nbsp; என்றாலும், ஒரு நாட்டின் வெளிவிவகார அமைச்சர் என்பவர் தனிப்பட்ட ஒருவர் அல்ல. முழு நாட்டையுமே சர்வதேச ரீதியில் பிரதிநிதித்துவப்படுத்துகிறார். எனவே அவருக்கு ஆங்கில புலமை இருக்க வேண்டியது. தற்போதைய ஆட்சியாளர்கள் நாட்டை மிக மோசமான நிலைக்குத் தள்ளிக்கொண்டிருக்கின்றனர். அமைச்சரவை பதவியேற்ற நாளன்று திருடப்பட்ட 14 கடவுச்சீட்டுகள் தொடர்பான விசாரணை முதல், 323 கொள்கலன்களில் ஆயுதங்கள் மற்றும் போதைப்பொருட்கள் கடத்தப்பட்டதாகக் கூறப்படும் பாரிய மோசடி வரை பல ஊழல்கள் தொடர்ச்சியாக இடம்பெற்று வருகின்றன. குறிப்பாக அரிசி இறக்குமதி, எரிவாயு மற்றும் நிலக்கரி கொள்வனவுகளில் இடம்பெற்ற ஊழல்கள் இன்று நாட்டு மக்களைப் பெரும் பாதிப்புக்குள்ளாக்கியுள்ளது. ஜனாதிபதி உள்ளிட்ட அரசாங்கத் தரப்பினர் இனவாதத்தைத் தூண்டும் வகையில் கருத்துக்களை வெளியிட்டு வருவதாகவும், வடக்கிற்குச் செல்லும் சிங்கள பௌத்தர்கள் தொடர்பில் ஜனாதிபதி வெளியிட்ட கருத்துக்கள் கண்டிக்கத்தக்கவை எனவும் சாகர காரியவசம் குறிப்பிட்டுள்ளார்.

அமைச்சர் விஜித ஹேரத் மீது சாகர காரியவசம் விமர்சனம்

அமைச்சர் விஜித ஹேரத் மீது சாகர காரியவசம் விமர்சனம்

You may also like