கராதியான குப்பை மேட்டுக்கு அருகில் உள்ள வெரஸ் கங்கா பூங்காவில் இயங்கி வந்த சட்டவிரோத மதுபான உற்பத்தி மற்றும் விநியோக நிலையம் மீது நடத்தப்பட்ட சுற்றிவளைப்பின் போது இருவர் கைது செய்யப்பட்டுள்ளனர். இரத்மலானையை வசிப்பிடமாகக் கொண்ட சந்தேகநபர்கள் இருவரே&nbsp;இந்தச் சுற்றிவளைப்பின் போது பொலிஸாரின் காவலில் எடுக்கப்பட்டுள்ளனர். கல்கிசைப் பிரிவுக் குற்றப் புலனாய்வுப் பிரிவின் பொறுப்பதிகாரிக்குக் கிடைத்த இரகசிய தகவலைத் தொடர்ந்து, இந்த சுற்றிவளைப்பு மேற்கொள்ளப்பட்டுள்ளது. சுற்றிவளைப்பின் போது சந்தேகநபர்களிடமிருந்து சுமார் 1.5 மில்லியன் ரூபா பெறுமதியான, எட்டு பெரர்களில் சேமித்து வைக்கப்பட்ட 135 லீட்டர் சட்டவிரோத மதுபானத்தை பொலிஸார் கைப்பற்றியுள்ளனர். மதுபானம் தயாரிக்கப் பயன்படுத்தப்பட்ட பெருமளவிலான உபகரணங்களும் இந்தச் சுற்றிவளைப்பின் போது பறிமுதல் செய்யப்பட்டன. கல்கிசை, மொரட்டுவ மற்றும் பிலியந்தலை உள்ளிட்ட பல பகுதிகளுக்கு இந்தச் சட்டவிரோத மதுபானம் உற்பத்தி செய்யப்பட்டு விநியோகிக்கப்பட்டு வந்ததாகப் பொலிஸார் தெரிவித்தனர். இச்சம்பவம் தொடர்பான மேலதிக விசாரணைகளைக் கல்கிசைப் பிரிவுக் குற்றப் புலனாய்வுப் பிரிவினர் மேற்கொண்டு வருகின்றனர்.

சட்டவிரோத மதுபான உற்பத்தி நிலையம் முற்றுகை!

சட்டவிரோத மதுபான உற்பத்தி நிலையம் முற்றுகை!

You may also like