மெட்ரோ பஸ் நிறுத்துமிடத்திற்காக தனியார் காணியொன்றை பலவந்தமாக கையகப்படுத்தியதாகக் கூறப்படும் சம்பவம் தொடர்பிலான வழக்கின் மேலதிக விசாரணை இன்று (02) நடைபெற்றது. அத்துருகிரிய மிலேனியம் சிட்டி வீட்டுத் திட்டத்திற்கு அருகில் அமைந்துள்ள 100 பேர்ச்சஸ் காணியை பலவந்தமாக அத்துமீறி கையகப்படுத்தியதாக கடுவெல நகர முதல்வர் மற்றும் பாராளுமன்ற உறுப்பினர் அசித நிரோஷன ஆகியோருக்கு எதிராகத் தொடரப்பட்ட வழக்கின் மேலதிக விசாரணை இன்று (02) கடுவெல நீதவான் அருண இந்திரஜித் புத்ததாச முன்னிலையில் நடைபெற்றது. இதன்போது, வழக்கிலிருந்து விலகுவதற்கு மெட்ரோ பஸ்&nbsp;நிறுவனம் மற்றும் அதன் பணிப்பாளர் சபை விடுத்த கோரிக்கையை நீதிமன்றம் ஏற்றுக்கொண்டதாக தெரிவிக்கப்படுகிறது. இதற்கிடையில் மிலேனியம் சிட்டி குடியிருப்பாளர்கள் சிலர் வழக்கின் இடைநிலைத் தரப்பினராக&nbsp;ஆஜராக விடுத்த கோரிக்கைக்கு முறைப்பாட்டாளர் தரப்பு எதிர்ப்புத் தெரிவித்த போதிலும் நீதவான் அந்த எதிர்ப்பை நிராகரித்தார். குறித்த காணியைச் சுற்றி கம்பி வேலி அமைக்க அனுமதிக்குமாறு முறைப்பாட்டாளர் தரப்பு விடுத்த கோரிக்கையை அடுத்த வழக்குத் தவணையில் பரிசீலிப்பதாக நீதவான் உத்தரவிட்டார். கடுவெல நகர முதல்வர் ரஞ்சன் ஜெயலால் பாராளுமன்ற உறுப்பினர் அசித நிரோஷன உள்ளிட்டோர் நீதிமன்றத்தில் ஆஜராகியிருந்தனர். வழக்கின் மேலதிக விசாரணை எதிர்வரும் 16ஆம் திகதி நடைபெறவுள்ளது.

மிலேனியம் சிட்டியில் அடாத்தாக காணி கையகப்படுத்தல் வழக்கு ஒத்திவைப்பு

மிலேனியம் சிட்டியில் அடாத்தாக காணி கையகப்படுத்தல் வழக்கு ஒத்திவைப்பு

You may also like