அகில இலங்கை முட்டை உற்பத்தியாளர்கள் சங்கம், நாளை (20) முதல் ஒரு வெள்ளை முட்டையின் விற்பனை விலையை ரூ.41 ஆகவும், ஒரு சிவப்பு முட்டையின் விலையை ரூ.42 ஆகவும் உயர்த்த தீர்மானித்துள்ளது. இன்று (19) குளியாபிட்டியில் நடைபெற்ற செய்தியாளர் சந்திப்பில் கலந்துகொண்ட சங்கத்தின் தலைவர் சரத் ரத்நாயக்க இந்த அறிவிப்பை வெளியிட்டுள்ளார். மக்காச்சோள இறக்குமதி முழுமையாக நிறுத்தப்பட்டுள்ளதுடன், உள்நாட்டு மக்காச்சோள உற்பத்தி முட்டைத் தொழிலின் தேவையை பூர்த்தி செய்யவில்லை என்றும் அவர் தெரிவித்துள்ளார். மக்காச்சோளத்திற்கு மாற்றாக அரிசி உள்ளிட்ட பிற பொருட்களைப் பயன்படுத்துவதால் கோழிகளின் ஆரோக்கியமும் செரிமான அமைப்பும் பாதிக்கப்பட்டு, முட்டை உற்பத்தி 20 முதல் 30 சதவீதம் வரை குறைந்துள்ளதாகவும் அவர் குறிப்பிட்டுள்ளார். மேலும், சில வியாபாரிகள் கோழித் தீவனத்தில் இரசாயனங்கள் மற்றும் மருந்துகளை கலப்பதால் அதிகளவிலான கோழிகள் உயிரிழந்துள்ளதாகவும், இதனால் பண்ணையாளர்கள் கடுமையான இழப்புகளை சந்தித்துள்ளதாகவும் சங்கம் தெரிவித்துள்ளது. இந்த பிரச்சினைகள் குறித்து அதிகாரிகளுக்கு அறிவிக்கப்பட்டிருந்த போதிலும், இதுவரை பயனுள்ள தீர்வு எதுவும் நடைமுறைப்படுத்தப்படவில்லை என்றும் சங்கத்தின் தலைவர் சரத் ரத்நாயக்க தெரிவித்துள்ளார்.

முட்டையின் விலை அதிகரிப்பு

முட்டையின் விலை அதிகரிப்பு

You may also like