நாடு முழுவதும் பல பகுதிகளில் கடுமையான மின்னல் தாக்கம் ஏற்படக்கூடும் என வளிமண்டலவியல் திணைக்களம் 'அம்பர்' (Amber) எச்சரிக்கையை விடுத்துள்ளது. இந்த எச்சரிக்கையின்படி, இன்று (11) 22 மாவட்டங்களில் பல இடங்களில் இடியுடன் கூடிய மழையும், அதனுடன் கடுமையான மின்னல் தாக்கமும் ஏற்பட வாய்ப்புள்ளது. குறிப்பாக மாலை மற்றும் இரவு நேரங்களில், இடியுடன் கூடிய மழையின் போது மின்னல் தாக்கம் தீவிரமடைய அதிக வாய்ப்புள்ளது. மேல், சபரகமுவ, மத்திய, தென் மற்றும் ஊவா மாகாணங்களின் சில பகுதிகளில் 100 மில்லிமீட்டருக்கும் அதிகமான பலத்த மழை பெய்யக்கூடும். மேலும், இடியுடன் கூடிய மழையின் போது, ​​கடல் பகுதிகளில் தற்காலிகமாக மணிக்கு 60 முதல் 70 கிலோமீட்டர் வேகத்தில் பலத்த காற்று வீசக்கூடும் என்றும், கடல் மிகவும் கொந்தளிப்பாகக் காணப்படலாம் என்றும் தெரிவிக்கப்பட்டுள்ளது. பொதுமக்கள் மிகுந்த அவதானத்துடன் இருக்குமாறும், சம்பந்தப்பட்ட அதிகாரிகளால் விடுக்கப்படும் வெள்ளம் மற்றும் மண்சரிவு தொடர்பான உத்தியோகபூர்வ எச்சரிக்கைகளை பின்பற்றுமாறும் கேட்டுக்கொள்ளப்படுகிறார்கள்.

மக்களே அவதானம்! - மின்னல் தாக்கம் தீவிரமடைய அதிக வாய்ப்பு என எச்சரிக்கை

மக்களே அவதானம்! - மின்னல் தாக்கம் தீவிரமடைய அதிக வாய்ப்பு என எச்சரிக்கை

You may also like