கனடாவின் புதிய பிரதமர் யார் என்பதை மார்ச் 9ஆம் திகதி ஆளும் லிபரல் கட்சி அறிவிக்குமென கட்சியின் தலைவர் சச்சித் மெஹ்ரா தெரிவித்துள்ளார். &nbsp;கனடாவில் பிரதமராக இருந்த ஜஸ்டின் ட்ரூடோவுக்கு லிபரல் கட்சி மற்றும் பொதுமக்களிடையே ஆதரவு வெகுவாக குறைந்தது. இதனைத் தொடர்ந்து கடந்த திங்களன்று (6) அவர் தனது இராஜினாமா முடிவை அறிவித்தார்.&nbsp;&nbsp;இதனைத்&nbsp;தொடர்ந்து புதிய பிரதமரை ஆளும் லிபரல் கட்சி தெரிவு செய்வதற்கான செயல்முறையில் ஈடுபட்டுள்ளது. புதிய பிரதமர் யார் என்பதை அறிவிக்கும் வரை ஜஸ்டின் ட்ரூடோ பிரதமராக நீடிப்பார்.&nbsp;&nbsp;இந்நிலையில் லிபரல் கட்சியின் தலைவர் சச்சித் மெஹ்ரா வெளியிட்டுள்ள அறிக்கையில், “வலுவான மற்றும் பாதுகாப்பான நாடு தழுவிய செயல்முறைக்குப்&nbsp;பின் கனடாவின் லிபரல் கட்சியானது மார்ச் 9ஆம் திகதி ஒரு புதிய தலைவரைத் தேர்ந்தெடுக்கும்.&nbsp;தற்போது தெரிவு செய்யப்படும் பிரதமர் கனடா வரலாற்றிலேயே மிகக் குறைந்த காலம் பதவியில் இருந்த பிரதமராக அறிவிக்கப்படுவார். மார்ச் 24ஆம் திகதி பாராளுமன்றம் மீண்டும் கூடியவுடன் லிபரல் கட்சியின் சிறுபான்மை அரசைக்&nbsp;கவிழ்ப்பதற்காக மூன்று எதிர்க்கட்சிகளும் நம்பிக்கையில்லாத்&nbsp;தீர்மானத்தைக்&nbsp;கொண்டு வருவதற்கு உறுதிபூண்டுள்ளன. &nbsp;அமெரிக்க ஜனாதிபதியாகத்&nbsp;தேர்ந்தெடுக்கப்பட்டுள்ள டொனால்ட் டிரம்ப் கனடாவை அமெரிக்காவின் 51வது மாநிலம் என கூறி வருகின்றார். மேலும் அனைத்து கனடா பொருட்களுக்கும் 25சதவீதம் வரி விதிக்கவுள்ளதாகவும்”&nbsp;குறிப்பிடப்பட்டுள்ளது.

கனடாவின் புதிய பிரதமர் மார்ச்சில் அறிவிப்பு

கனடாவின் புதிய பிரதமர் மார்ச்சில் அறிவிப்பு

You may also like