நீரிழிவு நோயாளிகளுக்கு உயிர் காக்கும் மருந்தாக விளங்கும் GLP-1 வகை மருந்துகள், இதுவரை ஊசி வடிவில் மட்டுமே கிடைத்து வந்த நிலையில், தற்போது மாத்திரைகளாக மாறத் தொடங்கியுள்ளன. இந்த மாற்றமானது நீரிழிவு மற்றும் உடல் பருமன் சிகிச்சையில் மிகப்பெரிய புரட்சியை ஏற்படுத்தியுள்ளதுடன், ஏழை மற்றும் நடுத்தர மக்களும் இந்த மருந்துகளை எளிதாகப் பெற வழிவகுத்துள்ளது.ஊசி மருந்துகள் மற்றும் இன்சுலினைப் பாதுகாக்க குளிரூட்டப்பட்ட வசதி (Cold chain) அவசியமாகும். ஆனால், மாத்திரைகளுக்கு இந்தத் தேவை இல்லாததால், கிராமப்புறங்களுக்கும் அவற்றை எளிதில் கொண்டு செல்ல முடியும். உலகளவில் ஊசி மருந்துகளின் விலை மிகவும் அதிகமாக உள்ளது. எடுத்துக்காட்டாக, அமெரிக்கா மற்றும் ஐரோப்பிய நாடுகளில் இதன் விலை பல்லாயிரக்கணக்கில் உள்ளது. ஆனால், வளரும் நாடுகளில் கிடைக்கும் உள்ளூர் மாத்திரைகளின் விலை மிகக் குறைவாக (சுமார் $18) இருப்பதால், சாமானிய மக்களும் வாங்க முடியும். ஊசிகளைத் தாங்களே போட்டுக் கொள்ள தயங்குபவர்கள் அல்லது வாரம் ஒருமுறை எடுத்துக்கொள்ள சிரமப்படுபவர்கள், எளிதாக தினசரி மாத்திரைகளாக இதனை உட்கொள்ளலாம். உடல் பருமன் என்பது சோம்பேறித்தனத்தாலோ அல்லது அதிகமாக உண்பதாலோ மட்டுமே ஏற்படுகிறது என்ற பழைய எண்ணம் மாறி, அது ஒரு 'உடலின் மெட்டபாலிக் கோளாறு' (Metabolic disorder) என்று இப்போது உலகளவில் ஏற்றுக்கொள்ளப்பட்டுள்ளது.2024 ஆம் ஆண்டில் மட்டும் உலகளவில் சுமார் 37 லட்சம் மக்கள் உடல் பருமன் தொடர்பான பிரச்சினைகளால் உயிரிழந்துள்ளனர். இதனைத் தொடர்ந்து, உலக சுகாதார அமைப்பு (WHO) கடந்த டிசம்பர் 2025-ல் GLP-1 மருந்துகளை உடல் பருமனுக்கான நீண்டகால சிகிச்சையாகப் பரிந்துரைத்துள்ளது. மிகப்பெரிய தாக்கத்தை சந்திக்கப் போகும் தெற்காசியா மற்றும் மத்திய கிழக்கு நாடுகள்உலகிலேயே பாகிஸ்தானில்தான் நீரிழிவு நோயாளிகள் அதிகளவில் உள்ளனர் (31.4%). அதற்கடுத்து மார்ஷல் தீவுகள், குவைத், கட்டார் மற்றும் சவுதி அரேபியா போன்ற நாடுகளிலும் இதன் தாக்கம் அதிகம். இந்தியா போன்ற நாடுகளிலும் இதற்கான குறைந்த விலை ஜெனரிக்&nbsp;மாத்திரைகள் வரவுள்ளதால், கோடிக்கணக்கான மக்கள் இதன் மூலம் பயனடைவார்கள். நாம் சாப்பிடும் உணவின் மூலம் உடலில் GLP-1 என்ற ஹோர்மோன் இயற்கையாகவே சுரக்கிறது. இது இரத்த சர்க்கரை அளவைக் கட்டுப்படுத்த இன்சுரினை வெளியிட கணையத்தைத் தூண்டுகிறது. மேலும், உணவு வயிற்றை விட்டு வெளியேறும் வேகத்தைக் குறைத்து, வயிறு நிரம்பிய உணர்வைத் தருவதால் பசியைக் கட்டுப்படுத்துகிறது.இந்த இயற்கை ஹோர்மோனின் செயல்பாட்டைத் துல்லியமாக நகலெடுத்து (Mimic) இந்த மருந்துகள் இரத்த சர்க்கரையைக் கட்டுப்படுத்துவதோடு, உடல் எடையையும் வேகமாகக் குறைக்க உதவுகின்றன. சுருக்கமாகச் சொன்னால், ஊசி வடிவத்திலிருந்து மாத்திரைகளாக மாறும் இந்த நவீன மருத்துவ முறை, உலகளவில் கோடிக்கணக்கான மக்களின் வாழ்வியலை மாற்றி, ஆரோக்கியமான எதிர்காலத்தை நோக்கி அழைத்துச் செல்லும் என்பதில் ஐயமில்லை.

நீரிழிவு நோய்க்கு இனி இன்சுலின் ஊசி தேவையில்லை

நீரிழிவு நோய்க்கு இனி இன்சுலின் ஊசி தேவையில்லை

You may also like