இங்கிலாந்துக்கு எதிரான மூன்றாவது மற்றும் கடைசி டெஸ்ட் போட்டியில் பந்துவீச அதிக நேரம் எடுத்துக்கொண்டதற்காக பாகிஸ்தான் அணிக்கு போட்டி ஊதியத்தில் 50 சதவீதம் அபராதம் விதிக்கப்பட்டுள்ளது. இங்கிலாந்து – பாகிஸ்தான் அணிகளுக்கு இடையிலான மூன்று போட்டிகள் கொண்ட டெஸ்ட் தொடர் அண்மையில் நிறைவடைந்தது. இந்தத் தொடரை இங்கிலாந்து அணி 3-0 என்ற கணக்கில் முழுமையாகக் கைப்பற்றியது. எட்ஜ்பாஸ்டனில் நடைபெற்ற மூன்றாவது டெஸ்ட் போட்டியில் பாகிஸ்தான் அணி நிர்ணயிக்கப்பட்ட நேரத்திற்குள் பந்துவீச்சு ஓவர்களை நிறைவு செய்யத் தவறியதாக தெரிவிக்கப்பட்டுள்ளது. இதையடுத்து, ஐ.சி.சி. விதிகளின் அடிப்படையில் அந்த அணிக்கு போட்டி ஊதியத்தில் 50 சதவீதம் அபராதம் விதிக்கப்பட்டுள்ளது. பாகிஸ்தான் அணியின் தலைவர் பாபர் அசாம், மெதுவாக பந்துவீசியதற்கான அபராதத்தை செலுத்த ஒப்புக்கொண்டுள்ளார். இதனால், இந்த விவகாரம் தொடர்பில் மேலதிக விசாரணை எதுவும் தேவையில்லை என தெரிவிக்கப்பட்டுள்ளது. இதனிடையே, எட்ஜ்பாஸ்டனில் நடைபெற்ற மூன்றாவது டெஸ்ட் போட்டியில் இங்கிலாந்து அணி 8 விக்கெட்டுகள் வித்தியாசத்தில் வெற்றி பெற்றமை குறிப்பிடத்தக்கது.

பாகிஸ்தான் அணிக்கு 50 சதவீதம் அபராதம் – ஐ.சி.சி. நடவடிக்கை

பாகிஸ்தான் அணிக்கு 50 சதவீதம் அபராதம் – ஐ.சி.சி. நடவடிக்கை

You may also like