அவுஸ்திரேலியாவுக்குச் சுற்றுப்பயணம் மேற்கொண்டுள்ள பங்களாதேஷ் கிரிக்கெட் அணி, டார்வின் நகரில் உள்ள டி.ஐ.ஓ. (TIO) மைதானத்தில் இரண்டு போட்டிகள் கொண்ட டெஸ்ட் தொடரில் விளையாடி வருகிறது.&nbsp; இரு அணிகளுக்கும் இடையேயான முதல் டெஸ்ட் போட்டி நேற்று(13) ஆரம்பமானது. இப்போட்டியில் நாணய சுழற்சியில் வென்று முதலில் துடுப்பாட்டம் செய்த அவுஸ்திரேலிய அணி, பங்களாதேஷ் அணியின் பந்துவீச்சைச் சமாளிக்க முடியாமல் முதல் இன்னிங்ஸில் 198 ஓட்டங்களை பெற்றுக்கொண்டது. அந்த அணியில் அதிகபட்சமாக ஸ்டீவ் ஸ்மித் 71 ஓட்டங்களை பெற்றுக்கொண்டார். பங்களாதேஷ் அணி தரப்பில் அபாரமாகப் பந்துவீசிய ஹசன் மஹ்முட் (Hasan Mahmud) 6 விக்கெட்டுகளைக் கைப்பற்றினார். இதனைத் தொடர்ந்து தனது முதல் இன்னிங்ஸைத் தொடங்கிய பங்களாதேஷ், இரண்டாம் நாள் ஆட்டநேர முடிவில் 6 விக்கெட்டுகள் இழப்புக்கு 351 ஓட்டங்களை குவித்துள்ளது.&nbsp; தொடக்க வீரரான தன்சித் ஹசன் (Tanzid Hasan) சிறப்பான ஆட்டத்தை வெளிப்படுத்தி 101 ஓட்டங்களை எடுத்தார். மேலும், அணித்தலைவர் நஸ்முல் ஹொசைன் சாந்தோ 84 ஓட்டங்களும், மோமினல் ஹாக் 49 ஓட்டங்களும் பெற்றுக்கொடுத்தனர். தற்போதைய நிலவரப்படி, அவுஸ்திரேலிய அணியைக் காட்டிலும் 153 ஓட்டங்களில் முன்னிலை பெற்றுள்ள பங்களாதேஷ் அணி மிகவும் வலுவான நிலையில் உள்ளது.&nbsp; அவுஸ்திரேலியத் தரப்பில் மிட்செல் ஸ்டார்க் மற்றும் ஜோஷ் ஹேசில்வுட் ஆகியோர் தலா 2 விக்கெட்டுகளை வீழ்த்தியுள்ளனர். இரண்டாவது நாள் ஆட்டநேர முடிவில் மெஹதி ஹசனும், ஹசன் மஹ்முட்டும் களத்தில் உள்ளனர்.

அவுஸ்திரேலியாவுக்கு எதிரான முதல் டெஸ்ட் - முன்னிலையில் பங்களாதேஷ் அணி

அவுஸ்திரேலியாவுக்கு எதிரான முதல் டெஸ்ட் - முன்னிலையில் பங்களாதேஷ் அணி

You may also like