2026 ஆம் ஆண்டின் முதல் ஆறு மாதங்களுக்குள் இலங்கையில் புதிதாக 487 எச்.ஐ.வி தொற்றாளர்கள் பதிவாகியுள்ளதுடன் இது கடந்த ஆண்டின் இதே காலப்பகுதியுடன் ஒப்பிடுகையில் கணிசமான அதிகரிப்பாகும் என தெரியவந்துள்ளது. தேசிய பாலியல் நோய் மற்றும் எய்ட்ஸ் தடுப்பு திட்டத்தினால் வெளியிடப்பட்ட அண்மைய அறிக்கைகளின்படி, 2026 ஆம் ஆண்டின் முதல் காலாண்டில் 249 புதிய தொற்றாளர்களும் இரண்டாவது காலாண்டில் மேலும் 238 தொற்றாளர்களும் பதிவாகியுள்ளனர். 2025 ஆம் ஆண்டின் முதல் அரையாண்டில் பதிவான 430 எச்.ஐ.வி தொற்றாளர்களின் எண்ணிக்கையுடன் (முதல் காலாண்டில் 230 பேரும், இரண்டாவது காலாண்டில் 200 பேரும்) ஒப்பிடுகையில் இது 13.3 சதவீத வளர்ச்சியாகும். அண்மைய தரவுகளின்படி தொற்றாளர்களில் பெரும்பான்மையானோர்&nbsp;ஆண்களாவர் என்பதுடன் 2026 இரண்டாவது காலாண்டாகும் போது ஆண் மற்றும் பெண் தொற்றாளர்களுக்கு இடையிலான விகிதம் 7:1 என பதிவாகியுள்ளது. 15 முதல் 24 வயதிற்குட்பட்ட இளைஞர் சமூகத்தினரிடையே இந்த ஆண்டின் முதல் ஆறு மாதங்களுக்குள் 55 எச்.ஐ.வி தொற்றாளர்கள் பதிவாகியுள்ளதுடன் அதில் 48 ஆண்களும் 6 பெண்களும், ஒரு திருநங்கையும் அடங்குகின்றனர். அத்துடன் 2026 ஆம் ஆண்டின் முதல் இரண்டு காலாண்டுகளுக்குள் எய்ட்ஸ்&nbsp;நோய் காரணமாக ஏற்பட்ட 8 மரணங்கள் பதிவாகியுள்ளன.

எச்.ஐ.வி தொற்றாளர்களில் ஏற்பட்ட அதிகரிப்பு:இவ்வாண்டு இதுவரை 487!

எச்.ஐ.வி தொற்றாளர்களில் ஏற்பட்ட அதிகரிப்பு:இவ்வாண்டு இதுவரை 487!

You may also like