நமீபியாவுக்கு எதிரான முதல் ஒருநாள் போட்டியில் 99 ஓட்டங்கள் வித்தியாசத்தில் தென் ஆப்பிரிக்க அணி அபார வெற்றி பெற்றது. தென் ஆப்பிரிக்க கிரிக்கெட் அணி நமீபியாவுக்கு சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடரில் விளையாடி வருகிறது.&nbsp; அதன்படி, இரு அணிகளுக்கும் இடையேயான முதல் ஒருநாள் போட்டி விந்தோக் நகரில் உள்ள மைதானத்தில் நேற்று நடைபெற்றது. இந்த போட்டியின் நாணய சுழற்சியில் வெற்றி பெற்ற நமீபியா முதலில் பந்து வீச்சை தேர்வு செய்தது.&nbsp; இதையடுத்து முதலில் துடுப்பாட்டம் செய்த தென் ஆப்பிரிக்கா 50 ஓவர்கள் முடிவில் 6 விக்கெட்டுகள் இழப்பிற்கு 348 ஓட்டங்கள் குவித்தது.&nbsp; தென் ஆப்பிரிக்க அணி சார்பில் ஜோர்டன் ஹெர்மன் அதிகபட்சமாக 126 பந்துகளில் 150 ஓட்டங்கள் குவித்தார். இதையடுத்து 349 ஓட்டங்கள் எடுத்தால் வெற்றி என்ற கடினமான இலக்குடன் நமீபியா களமிறங்கியது. நமீபியா 21.3 ஓவரில் 3 விக்கெட்டுகள் இழப்பிற்கு 76 ஓட்டங்கள் எடுத்திருந்தது. அப்போது மழை குறுக்கிட்டதால் ஆட்டம் பாதிக்கப்பட்டது.பின்னர், மழை நின்றதையடுத்து டக்வொர்த் லூயிஸ் முறைப்படி ஆட்டத்தில் ஓவர்கள் குறைக்கப்பட்டது.&nbsp; அதன்படி 31 ஓவர்களில் 262 ஓட்டங்கள் எடுத்தால் வெற்றி என்ற இலக்கு நிர்ணயிக்கப்பட்டது. இதனை தொடர்ந்து துடுப்பாட்டம் செய்த நமீபியா 31 ஓவரில் 8 விக்கெட்டுகள் இழப்பிற்கு 162 ஓட்டங்கள் மட்டுமே எடுத்தது. இதன் மூலம் நமீபியாவை 99 ஓட்டங்கள் வித்தியாசத்தில் வீழ்த்தி தென் ஆப்பிரிக்கா அபார வெற்றிபெற்றது. இந்த வெற்றியின் மூலம் 3 போட்டிகள் கொண்ட ஒருநாள் தொடரில் 1-0 என்ற புள்ளி கணக்கில் தென் ஆப்பிரிக்கா முன்னிலை பெற்றுள்ளது.&nbsp;

நமீபியாவை வீழ்த்தி அபார வெற்றி பெற்ற தென்னாப்பிரிக்கா!

நமீபியாவை வீழ்த்தி அபார வெற்றி பெற்ற தென்னாப்பிரிக்கா!

You may also like