&nbsp;ஜார்க்கண்ட் முக்தி மோர்ச்சா (JMM) கட்சித் தலைவரும், முன்னாள் முதல்வரும், மாநிலங்களவை உறுப்பினருமான சிபு சோரன் (81) திங்கட்கிழமை புதுடில்லியில் உள்ள ஸ்ரீ கங்கா ராம் வைத்தியசாலையில் உடல்நலக் குறைவால் காலமானார். கடந்த ஜூன் 19 முதல் சிறுநீரக பிரச்சினை, நீரிழிவு, இதய நோய் மற்றும் மூளை பக்கவாதம் காரணமாக சிகிச்சை பெற்று வந்த அவருக்கு, வென்டிலேட்டர் உதவியுடன் செயற்கை சுவாசம் அளிக்கப்பட்டு வந்தது.&nbsp;சிபு சோரனின் மறைவை அவரது மகனும் ஜார்க்கண்ட் முதல்வருமான ஹேமந்த் சோரன் எக்ஸ் தளத்தில் உறுதிப்படுத்தினார். "அன்புள்ள திஷோம் குருஜி நம்மை விட்டுப் பிரிந்துவிட்டார். இன்று நான் எல்லாவற்றையும் இழந்துவிட்டேன்."&nbsp;சிபு சோரன் 1972 இல் ஜார்க்கண்ட் முக்தி மோர்ச்சாவை நிறுவி, 2000இல் ஜார்க்கண்ட் தனி மாநிலம் உருவாக முக்கிய பங்காற்றினார். 1980 முதல் தும்கா தொகுதியில் 8 முறை மக்களவை உறுப்பினராகவும், 3 முறை மாநிலங்களவை உறுப்பினராகவும் பணியாற்றினார். 2005, 2008-09, 2009-10 ஆகிய காலங்களில் ஜார்க்கண்ட் முதல்வராகவும், மத்திய அமைச்சராகவும் பணியாற்றினார்.&nbsp;அவரது மறைவுக்கு ஜார்க்கண்ட் அரசு ஒகஸ்ட் 4 முதல் 6 வரை 3 நாள் அரசுமுறை துக்கத்தை அறிவித்துள்ளது. அனைத்து அரசு அலுவலகங்களும் ஒகஸ்ட் 4 மற்றும் 5இல் மூடப்படும். மாநிலங்களவையில் துணைத் தலைவர் ஹரிவன்ஷ் அவரது மறைவை அறிவித்து, ஒரு நிமிட மௌன அஞ்சலி செலுத்தப்பட்ட பின், அவை நாள் முழுவதும் ஒத்திவைக்கப்பட்டது.&nbsp;பிரதமர் நரேந்திர மோடி, ஜனாதிபதி திரௌபதி முர்மு, காங்கிரஸ் தலைவர் மல்லிகார்ஜுன் கார்கே, ராகுல் காந்தி, ஆர்.ஜே.டி. தலைவர் லாலு பிரசாத் யாதவ், ஒடிசா முன்னாள் முதல்வர் நவீன் பட்நாயக் உள்ளிட்டோர் இரங்கல் தெரிவித்தனர்.&nbsp;சிபு சோரனின் உடல் ராஞ்சிக்கு கொண்டு வரப்பட்டு, மொராபாடி இல்லத்தில் வைக்கப்பட்ட பின், நாளை (05) ஜார்க்கண்ட் சட்டமன்றத்திற்கு எடுத்துச் செல்லப்பட்டு, பின்னர் அவரது சொந்த ஊரான ராம்காரில் உள்ள நேம்ராவிற்கு கொண்டு செல்லப்படும்.

ஜார்க்கண்ட் முன்னாள் முதல்வர் சிபு சோரன் மறைவு: மாநிலங்களவை ஒத்திவைப்பு

ஜார்க்கண்ட் முன்னாள் முதல்வர் சிபு சோரன் மறைவு: மாநிலங்களவை ஒத்திவைப்பு

You may also like