எதிர்காலத்தில் ஒருநாள் கிரிக்கெட் போட்டிகளில் 500 ஓட்டங்களையும் வெற்றிகரமாக சேஸ் செய்யும் நிலை உருவாகலாம் என மேற்கிந்தியத் தீவுகள் அணியின் முன்னாள் வீரர் டுவைன் பிராவோ தெரிவித்துள்ளார். உலக லெஜண்ட்ஸ் சாம்பியன்ஷிப் கிரிக்கெட் தொடரின்போது, முன்னாள் வீரர்களான கிறிஸ் கெயில் மற்றும் டுவைன் பிராவோ ஆகியோர் கிரிக்கெட்டில் வேகமாக ஏற்பட்டு வரும் மாற்றங்கள் குறித்து கருத்துகளைப் பகிர்ந்துகொண்டனர். இதன்போது பேசிய பிராவோ, பேட்டர்களின் திறன் மற்றும் அணுகுமுறை மிகப்பெரிய அளவில் மாறியுள்ளதாகவும், அதற்கேற்ப பந்துவீச்சாளர்களும் தங்களது திறமைகளை தொடர்ந்து மேம்படுத்திக்கொள்ள வேண்டியுள்ளதாகவும் தெரிவித்தார். உலக கிரிக்கெட்டில் பல்வேறு மாற்றங்கள் இடம்பெற்று வருவதால், பந்துவீச்சாளர்கள் பேட்டர்களுக்கு சவால் அளிக்கும் வகையில் புதுமையான உத்திகளை உருவாக்க வேண்டிய கட்டாயம் ஏற்பட்டுள்ளதாகவும் அவர் குறிப்பிட்டார். மேலும், பேட்டிங்கில் ஏற்பட்டுள்ள இந்த வேகமான வளர்ச்சியை பார்க்கும்போது, எதிர்காலத்தில் ஒருநாள் போட்டிகளில் 500 ஓட்டங்களையும் சேஸ் செய்வது சாத்தியமாகலாம் என டுவைன் பிராவோ தெரிவித்துள்ளார்.

ஒருநாள் போட்டிகளில் 500 ஓட்டங்களை சேஸ் செய்யும் காலம் வரும் – டுவைன் பிராவோ

ஒருநாள் போட்டிகளில் 500 ஓட்டங்களை சேஸ் செய்யும் காலம் வரும் – டுவைன் பிராவோ

You may also like