இலங்கைக்கும் தாய்லாந்துக்கும் இடையிலான நீண்டகால இருதரப்பு உறவுகளை மேலும் வலுப்படுத்துவதற்கு இரு நாடுகளும் இணக்கம் தெரிவித்துள்ளன. வெளிவிவகாரம், வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத், தாய்லாந்தின் பதில் வெளிவிவகார அமைச்சர் சருன் சரோயென்சுவானை பாங்கொக்கில் சந்தித்துக் கலந்துரையாடியதைத் தொடர்ந்து இந்த இணக்கம் எட்டப்பட்டுள்ளது. இந்த சந்திப்பின்போது, சாதாரண கடவுச்சீட்டு வைத்திருப்பவர்களுக்கான விசா விலக்கு நடைமுறையை விரைவுபடுத்துவது தொடர்பில் முக்கியமாக கலந்துரையாடப்பட்டுள்ளது.முன்மொழியப்பட்டுள்ள இந்த ஏற்பாடு, இரு நாடுகளுக்கும் இடையிலான பயணம், சுற்றுலாத்துறை மற்றும் மக்களுக்கு இடையிலான தொடர்புகளை மேலும் எளிதாக்கும் என வெளிவிவகார அமைச்சு தெரிவித்துள்ளது. வர்த்தகம், முதலீடு, சுற்றுலா, தொழிலாளர் இயக்கம், கல்வி, கடல்சார் பாதுகாப்பு மற்றும் கலாசார பரிமாற்றங்கள் உள்ளிட்ட பல்வேறு துறைகளில் ஒத்துழைப்பை மேலும் விரிவுபடுத்துவது தொடர்பிலும் இரு தரப்பினரும் கலந்துரையாடியுள்ளனர். இலங்கை - தாய்லாந்து உறவுகளை மேலும் ஆழப்படுத்துவதற்கும், இரு நாட்டு மக்களின் பரஸ்பர நலனுக்காக நடைமுறை சார்ந்த ஒத்துழைப்பை முன்னெடுப்பதற்குமான இரு நாடுகளின் உறுதிப்பாட்டை இந்த சந்திப்பு மீண்டும் உறுதிப்படுத்தியுள்ளதாக வெளிவிவகார அமைச்சு தெரிவித்துள்ளது.

இலங்கையர்களுக்கு தாய்லாந்து விசா விலக்கு?

இலங்கையர்களுக்கு தாய்லாந்து விசா விலக்கு?

You may also like