நியூயோர்க்கில் நடைபெற்ற அமெரிக்க ஓபன் மகளிர் ஒற்றையர் இறுதிப்போட்டியில், கஜகஸ்தானின் எலினா ரைபகினா 6-4, 5-7, 6-2 என்ற செட் கணக்கில் நடப்பு சம்பியனான எரினா சபாலெங்காவை வீழ்த்தி வரலாற்றுச் சாதனை படைத்துள்ளார். இந்த வெற்றியின் மூலம் ரைபகினா தனது 3-வது கிராண்ட்ஸ்லாம் பட்டத்தைக் கைப்பற்றியதுடன், உலக டென்னிஸ் தரவரிசையில் முதலிடத்தைப் பிடித்துள்ளார்.ஃபளஷிங் மெடோஸ் மைதானத்தில் சபாலெங்காவின் தொடர்ச்சியான 20 வெற்றிப் பயணத்திற்கு முற்றுப்புள்ளி வைத்த ரைபகினா, செரீனா வில்லியம்ஸ் மற்றும் கிறிஸ்டி எவர்ட் ஆகியோரின் சாதனைகளை சபாலெங்கா சமன் செய்வதையும் தடுத்துள்ளார். 27 வயதான ரைபகினா, காயங்களில் இருந்து மீண்டு வந்து ஒரே ஆண்டில் (அவுஸ்திரேலிய ஓபன் மற்றும் அமெரிக்க ஓபன் என) இரண்டு ஹார்ட்கோர்ட் மேஜர் பட்டங்களை வென்ற இந்த நூற்றாண்டின் 3-வது வீராங்கனை என்ற பெருமையைப் பெற்றார். 2022 விம்பிள்டன் வெற்றிக்கு பின் இவர் வெல்லும் 3ஆவது கிராண்ட்ஸ்லாம் இதுவாகும். சம்பியன் பட்டம் வென்ற ரைபகினாவிற்கு 5.5 மில்லியன் அமெரிக்க டொலர் பரிசுத்தொகையாக வழங்கப்பட்டது. "தொடரின் தொடக்கத்தில் இதை நான் சிறிதும் எதிர்பார்க்கவில்லை, எனது உணர்வுகளை விவரிக்க வார்த்தைகளே இல்லை" என்று போட்டியின் நிறைவில் ரைபகினா நெகிழ்ச்சியுடன் குறிப்பிட்டார்.

அமெரிக்க Open Tennis: சபாலெங்காவை வீழ்த்தி எலினா ரைபகினா சம்பியன்!

அமெரிக்க Open Tennis: சபாலெங்காவை வீழ்த்தி எலினா ரைபகினா சம்பியன்!

You may also like