இந்தியா&nbsp;இங்கிலாந்து அணிகளுக்கு இடையேயான நான்காவது ரி20 போட்டி இன்று ( 9) பிரிஸ்டாலில் நடைபெற்று வரும் நிலையில், இந்திய அணிக்காக 100 சர்வதேச&nbsp;ரி20 போட்டிகளில் விளையாடுவேன் என&nbsp;தான் கனவிலும் நினைக்கவில்லை என்று இந்திய அணியின் முன்னணி ஆல்ரவுண்டர் அக்ஷர் படேல் நெகிழ்ச்சியுடன் தெரிவித்துள்ளார். இந்தப் போட்டி இந்திய அணிக்காக அக்ஷர் படேல் களம் காணும் 100 ஆவது சர்வதேச ரி20 போட்டியாகும். இந்த வரலாற்றுச் சிறப்புமிக்க சாதனை குறித்து அவர் தனது மகிழ்ச்சியைப் பகிர்ந்துள்ளார். இங்கிலாந்துக்கு எதிரான இந்த ரி20 தொடர் எனக்கு மிகவும் சிறப்பானது. ஏனெனில், இந்தத் தொடரின் இரண்டாவது போட்டியின் போது ரி20 போட்டிகளில் என்னுடைய 100 ஆவது விக்கெட்டைக் கைப்பற்றினேன். தற்போது தொடரின் 4 ஆவது போட்டியில் என்னுடைய 100 ஆவது சர்வதேச ரி20 போட்டியில் விளையாடவுள்ளேன். இன்றைய நாள் எனக்கு மிகவும் சிறப்பான நாள், இது ஒரு அற்புதமான உணர்வைத் தருகின்றது. இந்தச் சாதனையை நான் தனியாளாகப் படைத்துவிடவில்லை. இந்த நீண்ட பயணத்தில் எனக்குப் பக்கபலமாக இருந்து ஆதரவளித்த என்னுடைய குடும்பத்தினர், சக வீரர்கள் மற்றும் பயிற்சியாளர்கள் குழு என அனைவருக்கும் என்னுடைய நெஞ்சார்ந்த நன்றியைத் தெரிவித்துக் கொள்கிறேன் என படேல்&nbsp;தெரிவித்துள்ளார்.&nbsp; இந்நிலையில்,100 விக்கெட்டுகள் மற்றும் 100 போட்டிகள் என ஒரே தொடரில் இரட்டைச் சாதனை படைத்துள்ள அக்ஷர் படேலுக்குப் பல்வேறு தரப்பிலிருந்தும் வாழ்த்துகள் குவிந்து வருகின்றன.

அக்ஷர் படேலின் வரலாற்றுச் சாதனைத் தருணம்!

அக்ஷர் படேலின் வரலாற்றுச் சாதனைத் தருணம்!

You may also like