அரசாங்கம் முன்னெடுத்து வரும் நிலக்கரி ஊழலின் அடுத்த கட்டமாக, அவசர விலைமனுக் கோரல் ஊடாக மாத்திரம் 2,13,900 இலட்சம் ரூபாய் மோசடி செய்யப்பட்டுள்ளதாக பாராளுமன்ற உறுப்பினர் டி.வி. சானக்க குற்றம் சுமத்தியுள்ளார். கொழும்பில் இன்று நடைபெற்ற ஊடகவியலாளர் சந்திப்பில் கலந்து கொண்டு உரையாற்றிய போதே அவர் இதனை குறிப்பிட்டுள்ளார். உரிய நேரத்தில் விலைமனுக்கள் தாமதப்படுத்தப்பட்டு, தகுதியற்ற நிறுவனங்களுக்கு வாய்ப்பளிக்கப்பட்டதன் மூலம் நாட்டிற்கு 100 பில்லியனுக்கும் அதிகமான நஷ்டம் ஏற்பட்டுள்ளது. டிசம்பர் முதல் பெப்ரவரி வரை வர வேண்டிய கப்பல்களில் பெரும்பாலானவை வரவில்லை.&nbsp; இவ்வாறு செயற்கையான தட்டுப்பாட்டை உருவாக்கிவிட்டு, தற்போது அவசர விலை மனுக்கோரல் முறைக்கு அரசாங்கம் மாறியுள்ளது. முன்னதாக ஒரு மெட்ரிக் தொன் நிலக்கரியை 98.20 டொலர்களுக்கு வழங்க ஒப்புக்கொண்ட நிறுவனமே, தற்போது அதே நிலக்கரிக்கு 121.40 டொலர்களைக் கோரியுள்ளது.&nbsp; அதாவது ஒரு மெட்ரிக் தொன்னுக்கு மேலதிகமாக 23 டொலர்கள் கோரப்பட்டுள்ளது. அண்மையில் மேற்கொள்ளப்பட்ட எரிபொருள் விலை அதிகரிப்பு என்பது உலக சந்தை விலை மாற்றத்தினால் ஏற்பட்டதல்ல. மாறாக இந்த நிலக்கரி ஊழலினால் ஏற்பட்ட நஷ்டத்தை மக்கள் மீது சுமத்தும் ஒரு முயற்சியாகும் என பாராளுமன்ற உறுப்பினர் டி.வி. சானக்க தெரிவித்துள்ளார்.

அவசர நிலக்கரி கொள்வனவில் பாரிய மோசடி

அவசர நிலக்கரி கொள்வனவில் பாரிய மோசடி

You may also like