நாட்டில் நிலவும் மழையுடனான வானிலை காரணமாக, பல மாவட்டங்களுக்கு மண்சரிவு தொடர்பான முன்னெச்சரிக்கை அறிவிப்புகளை தேசிய கட்டிட ஆராய்ச்சி நிறுவனம் வெளியிட்டுள்ளது. இந்த எச்சரிக்கைகள் இன்று (11) முதல் நாளை (12) மாலை 4 மணி வரை அமுலில் இருக்கும் என அறிவிக்கப்பட்டுள்ளது. இதன்படி, கேகாலை மாவட்டத்தின் ருவான்வெல்ல, புலத்கோஹுபிட்டிய மற்றும் மாவனெல்ல ஆகிய பகுதிகளுக்கு இரண்டாம் நிலை மஞ்சள் நிற எச்சரிக்கை விடுக்கப்பட்டுள்ளது. அத்துடன், பதுளை, களுத்துறை, கண்டி, கேகாலை, குருநாகல், மாத்தளை, நுவரெலியா மற்றும் இரத்தினபுரி மாவட்டங்களின் பல பகுதிகளுக்கு முதலாம் நிலை விழிப்புணர்வு எச்சரிக்கை விடுக்கப்பட்டுள்ளது. தொடர்ச்சியான மழை காரணமாக மண்சரிவு மற்றும் பாறைகள் சரிந்து விழும் அபாயம் காணப்படுவதாக அதிகாரிகள் தெரிவித்துள்ளனர். எனவே, எச்சரிக்கை விடுக்கப்பட்ட பகுதிகளில் வசிக்கும் மக்கள் அவதானத்துடன் இருக்குமாறும், மண்சரிவுக்கான அறிகுறிகள் தென்பட்டால் உடனடியாகப் பாதுகாப்பான இடங்களுக்குச் செல்லுமாறும் அறிவுறுத்தப்பட்டுள்ளனர். மேலும், மலைப்பாங்கான பகுதிகள் மற்றும் மண்சரிவு அபாயம் உள்ள வீதிகளில் பயணிக்கும் வாகன ஓட்டிகளும் மிகுந்த எச்சரிக்கையுடன் செயற்படுமாறு கேட்டுக்கொள்ளப்பட்டுள்ளனர்.

பல மாவட்டங்களுக்கு மண்சரிவு அபாய எச்சரிக்கை!

பல மாவட்டங்களுக்கு மண்சரிவு அபாய எச்சரிக்கை!

You may also like