வாத நோய் என்பது பெண்கள் மற்றும் முதியவர்களை அதிகமாகத் தாக்கும் ஒன்றாக உள்ளது. வாத நோய், முதுமையானவர்களிடம் பாதிப்பை ஏற்படுத்தக்கூடிய மூளை - நரம்பியல் நோய். உலகில் அதிகமானோர் இறப்பதற்கு இரண்டாவது காரணமாக வாத நோய் இருக்கிறது. உலகில் ஒவ்வொரு ஐந்து விநாடிக்கும் ஒருவர் வாத நோய் காரணமாக இறக்கிறார். குழந்தைகள் முதல் பெரியவர்கள்வரை இந்நோய் பாதிப்பை ஏற்படுத்தினாலும், பெண்கள் - முதியவர்கள் மத்தியில் வாத நோய் பெரியளவில் தாக்கத்தை ஏற்படுத்துகிறது. எப்படி வருகிறது?ஒருவரின் இதய இரத்த ஓட்டத்தில் அடைப்பு ஏற்பட்டு, இதயத் தசைகள் பாதிக்கப்படுவதால் ஏற்படும் சிக்கலை மாரடைப்பு (ஹார்ட் அட்டாக்) என்கிறோம். இதேபோன்று ஒருவரின் மூளையிலுள்ள இரத்தக் குழாய்களில் பாதிப்பு ஏற்படுவதால் மூளைத் திசுக்கள் பாதிக்கப்படுகின்றன. இதனால் உடல், கை, கால் செயலிழப்பதை வாத நோய் (ஸ்ட்ரோக்) என்கிறோம். அறிகுறிகள்பார்வைக் குறைபாடு, மனநிலை மாற்றம், சுய உணர்வில் தடுமாற்றம், தலைவலி, குமட்டல், வாந்தி, தலைசுற்றுதல், இரட்டைப் பார்வை, உடல் உணர்வில் மாற்றம், தள்ளாட்டம், நடையில் தடுமாற்றம், வலிப்பு போன்ற தொந்தரவுகள் திடீரென ஏற்படக்கூடும். இவை வாத நோயின் பொதுவான அறிகுறிகள். பக்கவாதம்உடலின் ஒரு பகுதி கை, கால்களை அசைக்க முடியாதபடி செயலிழக்கக்கூடும். மேலும் செயலிழந்த பகுதியில் முகம் கோணலாகி, வாயும் அசைக்க முடியாமல் போய்விடும். முகப் பகுதியும் வாதத்தால் பாதிக்கப்படும்போது பேசுவதில் சிரமம் ஏற்பட்டு, பேச்சு உளறலைப்போல் இருக்கும். இதைப் பேச்சு வழக்கில் ‘‘பக்கவாதம்’’ என்கிறோம். ஏலக்காய்அரை டீஸ்பூன் ஏலக்காய் பொடியுடன் அரை டம்ளர் தண்ணீர் விட்டு, கொதிக்க வைத்து உணவு உண்பதற்கு முன்னர் அருந்தி வந்தால் வாயுத்தொல்லைகள் விலகிச் செல்லும். புதினாகாய்ந்த மிளகாய், கடுகு, உளுத்தம் பருப்பு மூன்றையும் தேவையான அளவு வறுத்து எடுத்து, இவற்றுடன் புதினா, வல்லாரை, புளி, உப்பு சேர்த்து அரைத்து சூடான சாதத்துடன் கலந்து சாப்பிட்டு வந்தால், வாயுக் கோளாறுகள் விலகும். மலச்சிக்கலும் நீங்கும். கோதுமை மா கைப்பிடி அளவு கோதுமை மாவை இலேசாக வறுத்து, தேன் கலந்து சாப்பிட்டு வந்தால், வாதத்தால் வரக்கூடிய வலிகள் மட்டுமல்லாமல் மூட்டுவலியும் விலகும். நன்னாரி20 கிராம் நன்னாரி வேரை அரை லீற்றர் தண்ணீரில் கலந்து&nbsp;200 மி.லீற்றராகக் காய்ச்சி 100 மி.லீ. வீதம் காலை மாலை சாப்பிட்டுவந்தால் நாட்பட்ட வாதம் விலகும். சாமைசாமை அரிசியை சமைத்தோ, கஞ்சியாகவோ செய்து சாப்பிட்டு வந்தால் வாத நோய் குணமாகும். புளிச்சக் கீரைவாத நோயால் பாதிக்கப்பட்டவர்கள் புளிச்சக் கீரையை இரண்டு, மூன்று நாட்களுக்கு ஒருமுறை சமைத்து சாப்பிட்டு வந்தால் காலப்போக்கில் வாத நோய் தணியும். நொச்சி, வேப்பிலைநொச்சி, வேப்பிலை இரண்டும் மருத்துவக் குணங்கள் வாய்ந்தவையாகும். நொச்சி இலை மற்றும் வேப்பிலைகளை காய்ச்சி குளித்து வந்தால் வாத நோய்கள் விலகும். சிகிச்சை முறைகள்முன்பெல்லாம் வாத நோய்க்குச் சிகிச்சையளிப்பது கடினம் என்றிருந்த நிலை மாறி, தற்போது வாத நோயைக் குணப்படுத்த முடியும் என்ற நிலை உருவாகி இருக்கிறது. வாத நோயால் ஏற்படும் உயிரிழப்பைக் குறைக்க நவீன சிகிச்சை முறைகள் தற்போது பெரிதும் உதவுகின்றன. சிகிச்சைகள் மூளையில் இரத்தம் உறைந்து வாதநோய் ஏற்படும்போது, அந்த இரத்த உறைவைக் கரைத்து, இரத்த ஓட்டத்தைச் சீர்செய்ய மேம்பட்ட சிகிச்சை முறைகள் உள்ளன. மேலும் மூளையில் இரத்தக் கசிவு ஏற்பட்டு உண்டாகும் வாத நோயைக் குணப்படுத்தவும் தகுந்த சிகிச்சைகள் மேற்கொள்ளப்படுகின்றன. தீய பழக்கங்கள்மது அருந்துவது, புகைபிடிப்பது, போதை மருந்து பழக்கத்தை விட்டொழிப்பது போன்றவற்றின் மூலம் வாத நோய் வருவதைத் தவிர்க்க முடியும். மன பிரச்சினைகள்மனச்சோர்வு, மன அழுத்தத்தைக் குறைத்துக் கொள்ளுதல், உடற்பயிற்சி, தியானம் போன்றவற்றில் ஈடுபடுவதும் நல்லது. உடலில் வாதநோயை உண்டாக்கும் நச்சுகள் சேராமல் இருக்கத் தகுந்த விற்றமின் மாத்திரைகளையும் மூளை நரம்பியல் நிபுணரின் ஆலோசனையுடன் உட்கொள்வது நல்லது. மலச்சிக்கல்மலச்சிக்கல் வராமல் பார்த்துக்கொள்வதும், மலம் கழிக்கும்போது அதிக சிரமப்படாமல் இருப்பதும் அவசியம். இரத்த அழுத்த நோய் உள்ளவர்கள் மூக்கடைப்பைப் போக்கப் பயன்படுத்தும் மூக்கு சொட்டு மருந்துகள், அலர்ஜி நீக்கி மருந்துகள் போன்றவற்றை மருத்துவர் ஆலோசனையுடன் பெறுவது நல்லது. இந்த அம்சங்களைக் கடைப்பிடித்தால் வாதநோயை விலக்கி வைக்கலாம்.

வாத நோய்க்கான தீர்வு!

வாத நோய்க்கான தீர்வு!

You may also like