விமானங்களுக்கும் வனவிலங்குகளுக்கும் இடையிலான மோதல்களால் ஏற்படும் ஆபத்துகளைக் குறைத்து, விமானப் பாதுகாப்பை உறுதிப்படுத்துவதற்காக தேசிய வனவிலங்கு இடர் முகாமைத்துவக் குழுவை அமைக்க அமைச்சரவை அங்கீகாரம் வழங்கியுள்ளது. சர்வதேச சிவில் விமான சேவைகள் சமவாயத்தின் உறுப்பு நாடாக இலங்கை, விமானங்களுக்கும் வனவிலங்குகளுக்கும் இடையிலான மோதல்களைக் குறைப்பதற்கான சர்வதேச தரநிலைகள் மற்றும் பரிந்துரைக்கப்பட்ட நடைமுறைகளை நடைமுறைப்படுத்த வேண்டியுள்ளது. இதற்கமைய, விமானங்களுடன் வனவிலங்குகள் மோதும் சம்பவங்களைப் பதிவு செய்தல், அவை தொடர்பான அறிக்கைகளைத் தயாரித்தல், ஆபத்தை ஏற்படுத்தக்கூடிய வனவிலங்குகள் பற்றிய தகவல்களைச் சேகரித்தல் மற்றும் விமான நிலையங்கள் மற்றும் அவற்றைச் சூழவுள்ள பகுதிகளில் வனவிலங்குகளால் ஏற்படக்கூடிய ஆபத்துகளைத் தொடர்ந்து மதிப்பீடு செய்தல் ஆகிய நடவடிக்கைகள் முன்னெடுக்கப்படவுள்ளன. மேலும், வனவிலங்குகளுடன் விமானங்கள் மோதும் சம்பவங்கள் தொடர்பான தகவல்களை சர்வதேச சிவில் விமான சேவைகள் அமைப்பின் சம்பவத் தகவல் முறைமையில் சமர்ப்பிப்பதற்கும் நடவடிக்கை எடுக்கப்படும். இதற்காக, விமானப் போக்குவரத்துடன் தொடர்புடைய அனைத்து தரப்பினருக்கும் பிரதிநிதித்துவம் வழங்கும் வகையில், தேசிய ஒருங்கிணைப்புப் பொறிமுறையாக இக்குழு அமைக்கப்படவுள்ளது. துறைமுகங்கள் மற்றும் சிவில் விமான சேவைகள் அமைச்சரால் சமர்ப்பிக்கப்பட்ட இந்த யோசனைக்கு அமைச்சரவை அங்கீகாரம் வழங்கியுள்ளது.

வனவிலங்குகளால் விமானங்களுக்கு ஏற்படும் ஆபத்து:கட்டுப்படுத்த குழு

வனவிலங்குகளால் விமானங்களுக்கு ஏற்படும் ஆபத்து:கட்டுப்படுத்த குழு

You may also like