தெற்காசிய கால்பந்து தொடரில் இலங்கை பங்கேற்கும் முதலாவது போட்டி நாளை ஞாயிற்றுக்கிழமை (08) பூட்டானுக்கு எதிராக பங்களாதேஷின் டாக்கா தேசிய விளையாட்டரங்கில் இலங்கை நேரப்படி இரவு 7.30 மணிக்கு நடைபெறவுள்ளது. தெற்காசிய பிராந்தியத்தின் உலகக் கோப்பை கால்பந்து தொடர் என அழைக்கப்படும் இப்போட்டித் தொடர் 15ஆவது முறையாக நடைபெறுவதுடன், 1995ஆம் ஆண்டில் இலங்கை சாம்பியன் கிண்ணத்தை சுவீகரித்தது. சமீபத்திய உலகக் கால்பந்து தரவரிசைப் பட்டியலில் 184ஆவது இடத்தில் உள்ள இலங்கை கால்பந்து அணி, 182ஆவது இடத்தில் உள்ள பூட்டானை 5 மாதங்களுக்குப் பின்னர் சந்திக்கவுள்ளதுடன், தாய்லாந்தில் நடைபெற்ற கடைசி நட்புறவு கால்பந்து போட்டியில் இலங்கை 4 – 1 என்ற கோல் கணக்கில் வெற்றி பெற்றது. பெங்கொக் நகரின் தேசிய விளையாட்டரங்கில் நடைபெற்ற பிபா (FIFA) சர்வதேச நட்புறவு கால்பந்து போட்டியின் முதலாவது பாதியில் இலங்கை அணி 1-0 என முன்னிலை வகித்ததுடன், முன்னணி ஆட்டக்காரர்களான வேட் டெக்கர், அந்தோனி சுரேஷ், வசீம் ராசிக் மற்றும் கெவின் அந்தோனி ஆகியோர் இலங்கை சார்பாக கோல்களைப் பதிவு செய்தனர். 2006ஆம் ஆண்டு முதல் இலங்கைக்கும் பூட்டானுக்கும் இடையே 9 போட்டிகள் நடைபெற்றுள்ளதுடன், அதில் இலங்கை 7 போட்டிகளில் வெற்றியடைந்துள்ளது. பூட்டான் 2 போட்டிகளில் வெற்றியைப் பதிவு செய்துள்ளது. எனவே, வரலாறு முழுவதிலும் பெரும்பாலான சந்தர்ப்பங்களில் இலங்கை அணி பூட்டான் கால்பந்து அணியை விட முன்னிலையில் உள்ளது. இலங்கை பங்கேற்கும் இரண்டாவது போட்டி 11ஆம் திகதி பங்களாதேஷுடன் நடைபெறவுள்ளன.&nbsp;

தெற்காசிய கால்பந்து தொடர்: இலங்கைக்கு நாளை முதல் போட்டி

தெற்காசிய கால்பந்து தொடர்: இலங்கைக்கு நாளை முதல் போட்டி

You may also like