ஐசிசி ரி20 உலகக் கிண்ணக் கிரிக்கெட் தொடரின் 2ஆவது போட்டியில் மேற்கிந்தியத் தீவுகள் அணி 35 ஓட்டங்கள் வித்தியாசத்தில் வெற்றி பெற்றது. கொல்கத்தாவில் நடைபெற்ற குறித்த போட்டியில் ஸ்கொட்லாந்து மற்றும் மேற்கிந்தியத் தீவுகள் ஆகிய அணிகள் மோதின. போட்டியின் நாணய சுழற்சியில் வெற்றிபெற்ற ஸ்கொட்லாந்து அணி முதலில் களத்தடுப்பில் ஈடுபடத் தீர்மானித்தது. இதன்படி முதலில் துடுப்பெடுத்தாடிய மேற்கிந்தியத் தீவுகள் அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகளை இழந்து 182 ஓட்டங்களைப் பெற்றுக்கொண்டது. இந்தநிலையில் 183 ஓட்டங்கள் எனும் வெற்றி இலக்கை நோக்கி துடுப்பெடுத்தாடிய ஸ்கொட்லாந்து அணி 18.5 ஓவர்கள் நிறைவில் சகல விக்கெட்டுகளையும் இழந்து 147 ஓட்டங்களை மாத்திரம் பெற்று தோல்வியைத் தழுவியது.

ஐ.சி.சி ரி20 - மேற்கிந்தியத் தீவுகள் அணி வெற்றி

ஐ.சி.சி ரி20 - மேற்கிந்தியத் தீவுகள் அணி வெற்றி

You may also like