பஞ்சாப் கிங்ஸ் அணியின் முன்னணி வீரரான ஷஷாங் சிங் மற்றும் அவரது குடும்பத்தினர் மீது போபாலில் பொலிஸார்&nbsp;வழக்குப்பதிவு செய்துள்ளனர். இந்நிலையில்,அவர்களது வீட்டில் சமையல்காரராகப் பணிபுரிந்த விபேந்திர சிங் தோமர் அளித்த முறைப்பாட்டின்பேரில்&nbsp;&nbsp;இந்த நடவடிக்கை எடுக்கப்பட்டுள்ளது. அத்துடன்,மாதச் சம்பளமாக 15,000,டொலர், இலவச உணவு மற்றும் தங்குமிடம் தருவதாகக் கூறியதுடன், எதிர்காலத்தில் அரசு வேலை வாங்கித் தருவதாகவும் அவரிடம் உறுதியளிக்கப்பட்டுள்ளது. இதேவேளை வேலைக்குச் சேர்ந்த சில மணி நேரங்களிலேயே தனக்குக் கடுமையான மன உளைச்சல் ஏற்படுத்தப்பட்டதாக அவர் குறிப்பிட்டுள்ளார். சமைத்த உணவு சரியில்லை எனக் கூறி அங்கு பெரிய அளவில் பிரச்சினை வெடித்துள்ளது. அங்கிருந்த மோசமான சூழல் காரணமாக, தான் வேலையை விட்டுவிட்டு ஊருக்குத் திரும்பப் போவதாகக் கூறியபோது, ஷஷாங் சிங்கின் குடும்பத்தினர் கடுமையான கோபமடைந்து மிரட்டியதாக முறைப்பாட்டில் தெரிவிக்கப்பட்டுள்ளது. இதனிடையே, இந்தக் குற்றச்சாட்டுகளை ஷஷாங் சிங் மற்றும் அவரது குடும்பத்தினர் திட்டவட்டமாக மறுத்துள்ளதுடன் விபேந்திர சிங் மது அருந்திவிட்டு சமையல் செய்ததை தாங்கள் தட்டிக்கேட்டதாகவும், அந்த ஆத்திரத்தில் அவர் தங்களுக்கு எதிராகப் பொய் முறைப்பாடு அளித்துள்ளார் என்றும் அவர்கள் தெரிவித்துள்ளனர். மேலும், தற்போது சமையல்காரரின் முறைப்பாட்டை&nbsp;பதிவு செய்துள்ள பொலிஸார்&nbsp;இரு தரப்பிலும் உண்மை என்ன என்பதைக் கண்டறிய தீவிர விசாரணை நடத்தி வருகின்றனர்.&nbsp; அத்துடன், ஐ.பி.எல் வீரர் மீது வழக்குப்பதிவு செய்யப்பட்டுள்ள இந்தச் சம்பவம் கிரிக்கெட் வட்டாரத்தில் பெரும் பரபரப்பை ஏற்படுத்தியுள்ளது.

பஞ்சாப் கிங்ஸ் வீரர் ஷஷாங் சிங் மீது வழக்குப்பதிவு

பஞ்சாப் கிங்ஸ் வீரர் ஷஷாங் சிங் மீது வழக்குப்பதிவு

You may also like