நடப்பாண்டு ஜனவரி மாதத் தொடக்கத்திலிருந்து இலங்கைக்கு வருகை தந்த சுற்றுலாப் பயணிகளின் எண்ணிக்கை 13 இலட்சத்தைத் தாண்டியுள்ளதாக இலங்கை சுற்றுலா அபிவிருத்தி அதிகாரசபை தெரிவித்துள்ளது. அதன்படி, ஜனவரி 1 முதல் ஜூலை 26 வரை மொத்தம் 13,13,974 சுற்றுலாப் பயணிகள் நாட்டிற்கு வருகை தந்துள்ளதாக தெரிவிக்கப்பட்டுள்ளது. அதேவேளை, ஜூலை 1 முதல் ஜூலை 26 வரை மட்டும் 1,67,401 சுற்றுலாப் பயணிகள் இலங்கைக்கு வந்துள்ளனர். ஜூலை மாதத்தில் இதுவரை வருகை தந்தவர்களில் அதிகபட்சமாக 38,785 பேர் இந்தியாவிலிருந்து வந்துள்ளதுடன், 18,419 பேர் ஐக்கிய இராச்சியத்திலிருந்தும், 10,540 பேர் நெதர்லாந்திலிருந்தும் வருகை தந்துள்ளனர். இதற்கிடையில், கடந்த ஆண்டில் அதிகளவிலான சுற்றுலாப் பயணிகள் இந்தியாவிலிருந்து வருகை தந்திருந்ததாகவும், அவர்களின் எண்ணிக்கை 3,10,293 ஆக பதிவாகியிருந்ததாகவும் சுற்றுலா அபிவிருத்தி அதிகாரசபை தெரிவித்துள்ளது. மேலும், கடந்த ஆண்டில் ஐக்கிய இராச்சியத்திலிருந்து 332,468 பேரும், அமெரிக்காவிலிருந்து 126,986 பேரும் இலங்கைக்கு வருகை தந்திருந்தனர். அத்துடன், கடந்த ஆண்டில் அதிகளவிலான சுற்றுலாப் பயணிகள் பெப்ரவரி மாதத்தில் பதிவாகியிருந்ததுடன், அந்த மாதத்தில் 279,328 பேர் நாட்டிற்கு வருகை தந்திருந்தனர்.

நாட்டிற்கு 13 இலட்சம் சுற்றுலாப் பயணிகள் வருகை

நாட்டிற்கு 13 இலட்சம் சுற்றுலாப் பயணிகள் வருகை

You may also like