இரு நாட்டு அரசாங்கங்களின் அழைப்பினை ஏற்று, வெளிவிவகார அமைச்சர் விஜித ஹேரத் மே 26 முதல் ஜூன் 3 ஆம் திகதி வரை நியூசிலாந்து மற்றும் அவுஸ்திரேலியாவுக்கான உத்தியோகபூர்வ விஜயமொன்றை ஆரம்பித்துள்ளார். இந்த விஜயத்தின் முக்கிய சிறப்பம்சமாக நியூசிலாந்தின் வெலிங்டன் நகரில் இலங்கையின் புதிய உயர்ஸ்தானிகராலயம் உத்தியோகபூர்வமாக திறந்து வைக்கப்படவுள்ளது. வெளிநாட்டு அலுவலர்கள் அமைச்சரின் கூற்றுப்படி, நியூசிலாந்தில் வாழும் 30,000 க்கும் மேற்பட்ட இலங்கையர்களுக்கு இந்த தூதரகம் ராஜதந்திர மற்றும் தூதரக சேவைகளை வழங்கும். இந்த விஜயத்தின் போது, நியூசிலாந்து வெளிவிவகார அமைச்சர் வின்ஸ்டன் பீட்டர்ஸ் (Winston Peters) மற்றும் பல சிரேஷ்ட அரசாங்க அமைச்சர்களை அமைச்சர் விஜித ஹேரத் சந்திக்கவுள்ளார். அத்துடன் நியூசிலாந்து வர்த்தக பேரவையின் (New Zealand Business Council) பிரதிநிதிகள் மற்றும் அந்நாட்டில் வாழும் இலங்கை சமூகத்தினரையும் அவர் சந்திக்கவுள்ளார். இதனைத் தொடர்ந்து அவுஸ்திரேலியாவுக்கு விஜயம் செய்யவுள்ள வெளிநாட்டு அலுவலர்கள் அமைச்சர், அங்கு அவுஸ்திரேலிய வெளிவிவகார அமைச்சர் பென்னி வொங் (Penny Wong) மற்றும் ஆளுநர் ஜெனரல் சாம் மோஸ்டின் (Sam Mostyn) ஆகியோருடன் கலந்துரையாடல்களை நடத்தவுள்ளதுடன், பல உயர்மட்ட சந்திப்புகளிலும் ஈடுபடவுள்ளார். விஜயத்தை ஆரம்பித்து புறப்படுவதற்கு முன்னர், அமைச்சர் விஜித ஹேரத் இலங்கைக்கான நியூசிலாந்து உயர்ஸ்தானிகர் டேவிட் பைனை (David Pine) பண்டாரநாயக்க சர்வதேச விமான நிலையத்தில் வைத்து சந்தித்திருந்தமை குறிப்பிடத்தக்கது.

வெளிவிவகார அமைச்சர் நியூசிலாந்து, அவுஸ்திரேலியாவுக்கு உத்தியோகபூர்வ விஜயம்

வெளிவிவகார அமைச்சர் நியூசிலாந்து, அவுஸ்திரேலியாவுக்கு உத்தியோகபூர்வ விஜயம்

You may also like