தடையின்றி எதிர்காலத்தில் லிட்ரோ சமையல் எரிவாயு கொள்கலன் விநியோகம் இடம்பெறும் என அறிவிக்கப்பட்டுள்ளது. லிட்ரோ எரிவாயு நிறுவனம் வெளியிட்டுள்ள அறிக்கையில் அந்த விடயம் குறிப்பிடப்பட்டுள்ளது கடந்த சனிக்கிழமை ஏற்பட்ட இரண்டு நாள் விநியோகத் தடை மற்றும் சந்தையில் ஏற்பட்ட எதிர்பாராத கேள்வி அதிகரிப்பு காரணமாக தற்காலிகமாக விநியோகத் தட்டுப்பாடு நிலவியதாக அந்த நிறுவனம் தெரிவித்துள்ளது. இந்த வாரத்திற்குள் அதிகளவிலான எரிவாயு கொள்கலன்களை சந்தைக்கு விடுவிக்க நடவடிக்கை எடுக்கப்பட்டுள்ளது. கடந்த 17 மற்றும் 18 ஆம் திகதிகளில் 284,000 வீட்டு உபயோக எரிவாயு கொள்கலன்கள் சந்தைக்கு விநியோகிக்கப்பட்டுள்ளன. இன்று முதல் எதிர்வரும் சனிக்கிழமை வரை சீராக எரிவாயு கொள்கலன்களை விநியோகிக்க திட்டமிடப்பட்டுள்ளது. இதன்படி 351,000 எரிவாயு கொள்கலன்கள் விநியோகிக்கப்படவுள்ளன. தடையற்ற விநியோகத்தை உறுதிப்படுத்தத் தேவையான மேலதிக கையிருப்புகளுக்கு ஏற்கனவே கட்டளையிடப்பட்டுள்ளது. இம்மாத இறுதியில் எரிவாயு தாங்கிய மேலதிக கப்பல்கள் நாட்டை வந்தடையவுள்ளன. எரிவாயு தட்டுப்பாடு குறித்து பொதுமக்கள் தேவையற்ற அச்சம் கொள்ளத் தேவையில்லை எனவும் லிட்ரோ நிறுவனம் அறிவித்துள்ளது.

தடையற்ற எரிவாயு விநியோகம் - லிட்ரோ எரிவாயு நிறுவனம் அறிக்கை

தடையற்ற எரிவாயு விநியோகம் - லிட்ரோ எரிவாயு நிறுவனம் அறிக்கை

You may also like