நிலக்கரி கொள்முதல் தொடர்பான கொடுக்கல் வாங்கல்கள் குறித்து விசாரணை நடத்தும் விசேட ஜனாதிபதி ஆணைக்குழு முன்னிலையில், லக்விஜய நிலக்கரி மின்நிலையத்தின் பிரதி பொதுமுகாமையாளர் துஷான் அபேகோன் உள்ளிட்ட மூன்று அதிகாரிகள் இன்று (13) சாட்சியமளிக்க அழைக்கப்பட்டுள்ளனர். நிலக்கரி கொள்முதல் தொடர்பான பொது விசாரணைகளின் மூன்றாவது நாள் நடவடிக்கைகள் இன்று நடைபெறவுள்ள நிலையில், சம்பந்தப்பட்ட அதிகாரிகள் ஏற்கனவே சமர்ப்பித்துள்ள உறுதிமொழிகளின் அடிப்படையில் சாட்சியங்கள் பதிவு செய்யப்படவுள்ளதாக தெரிவிக்கப்பட்டுள்ளது. லக்விஜய மின்நிலையத்தின் பிரதி பொதுமுகாமையாளர் துஷான் அபேகோன் கடந்த புதன்கிழமையும் ஆணைக்குழு முன்னிலையில் ஆஜராகி இருந்தார். இதற்கு முன்னர், எரிசக்தி அமைச்சின் செயலாளர் ஜி.எம்.ஆர்.டி. அப்போன்சு, மேலதிக செயலாளர் ஷ்யாமா ஹர்ஷனி உள்ளிட்ட பல அதிகாரிகளிடமிருந்து ஆணைக்குழு சாட்சியங்களைப் பதிவு செய்திருந்தது. இந்த விசாரணைகள் தொடர்ந்தும் முன்னெடுக்கப்படும் என ஆணைக்குழுவின் செயலாளர் டி.வி. பண்டாரசேன தெரிவித்துள்ளார்.

நிலக்கரி கொள்முதல் விசாரணை - மூன்று அதிகாரிகள் இன்று ஆணைக்குழுவில் ஆஜர்

நிலக்கரி கொள்முதல் விசாரணை - மூன்று அதிகாரிகள் இன்று ஆணைக்குழுவில் ஆஜர்

You may also like