கஞ்சா போதைப்பொருளைத் தம்வசம் வைத்திருந்த குற்றச்சாட்டில் 70 வயதுடைய நபர் ஒருவர் மடூல்சீமை பொலிஸாரால் கைது செய்யப்பட்டுள்ளார். மடூல்சீமை பொலிஸ் பிரிவுக்குட்பட்ட பிட்டமாறுவ பகுதியைச் சேர்ந்த நபரே இவ்வாறு கைது செய்யப்பட்டுள்ளார். குறித்த பகுதியில் ஒருவர் கஞ்சா போதைப்பொருள் விற்பனையில் ஈடுபட்டு வருவதாக மடூல்சீமை பொலிஸாருக்கு இரகசியத் தகவல் கிடைத்துள்ளது. இதனையடுத்து, அப்பகுதிக்குச் சென்ற பொலிஸார் சோதனை நடவடிக்கைகளை முன்னெடுத்துள்ளனர். இதன்போது, சந்தேக நபரிடமிருந்து 13,760 மில்லிகிராம் கஞ்சா போதைப்பொருள் கைப்பற்றப்பட்டுள்ளதாக பொலிஸார் தெரிவித்தனர். மேலும், கைது செய்யப்பட்ட நபர் இதற்கு முன்னரும் கஞ்சா போதைப்பொருள் தொடர்பான சம்பவமொன்றில் கைது செய்யப்பட்டவர் என பொலிஸார் குறிப்பிட்டனர். சந்தேக நபரிடம் மேலதிக விசாரணைகள் முன்னெடுக்கப்பட்டு வருவதுடன், அவரை இன்று (11) பசறை நீதிவான் நீதிமன்றத்தில் ஆஜர்படுத்துவதற்கான நடவடிக்கைகள் மேற்கொள்ளப்பட்டு வருகின்றன. இச்சம்பவம் தொடர்பான மேலதிக விசாரணைகளை மடூல்சீமை பொலிஸார் தொடர்ந்து மேற்கொண்டு வருகின்றனர்.

மடூல்சீமையில் கஞ்சாவுடன் ஒருவர் கைது!

மடூல்சீமையில் கஞ்சாவுடன் ஒருவர் கைது!

You may also like