வீதி பொது போக்குவரத்து சட்டங்களை&nbsp;மீறிய குற்றச்சாட்டின் அடிப்படையில் பலரது மோட்டார் சைக்கிள்கள் கைப்பற்றப்பட்டு சட்ட நடவடிக்கைக்காக&nbsp;&nbsp;சாய்ந்தமருது&nbsp;பொலிஸ் நிலையத்திற்கு எடுத்துச் செல்லப்பட்டுள்ளது. அம்பாறை மாவட்டம் சாய்ந்தமருது பொலிஸ் பிரிவிற்குட்பட்ட நகரப்பகுதி உட்பட புறநகர் பகுதிகளில்&nbsp;இன்று(20)&nbsp;விசேட சுற்றிவளைப்பு நடவடிக்கை மேற்கொள்ளப்பட்டது. இதன் போது&nbsp;மோட்டார் சைக்கிள் ஆவணம்&nbsp;காப்புறுதி எதுவும் இன்றி மோட்டார் சைக்கிளை செலுத்துவது, சாரதி அனுமதிப்பத்திரமின்றி வாகனம் செலுத்துவது&nbsp;&nbsp;தலைக்கவசம் அணியாது செல்வது , ஒரு மோட்டார் சைக்கிளில் இருவருக்கு மேற்பட்டவர்கள் பயணிப்பது , அதிவேகமாக செல்வது ,மிக ஒலி எழுப்பிய மோட்டார் சைக்கிள்கள்&nbsp;தொடர்பில்&nbsp;தலைக்கவசம் இன்றியும்&nbsp;சாரதி அனுமதிப்பத்திரம் உள்ளிட்ட முக்கிய ஆவணங்கள் இன்றி பயணித்தமை&nbsp;&nbsp;உள்ளிட்ட&nbsp;பொது&nbsp;போக்குவரத்து சட்ட திட்டங்களை மீறிய குற்றச்சாட்டின் அடிப்படையில் 33 க்கும் மேற்பட்ட&nbsp;மோட்டார் சைக்கிள்கள் உட்பட அதனை ஓட்டிய சந்தேக நபர்கள்&nbsp;சட்ட நடவடிக்கைக்கு உட்படுத்தப்பட்டனர். &nbsp;சாய்ந்தமருது&nbsp;பொலிஸ் நிலையப் பொறுப்பதிகாரிக்கு கிடைக்கப்பெற்ற முறைப்பாட்டிற்கு அமைய&nbsp;&nbsp;பொது போக்குவரத்து சட்டங்களை&nbsp;மீறிய குற்றச்சாட்டின் அடிப்படையில் பலரது மோட்டார் சைக்கிள்கள் உள்ளிட்ட சான்றுப் பொருட்கள் என்பன சட்ட நடவடிக்கைக்காக சாய்ந்தமருது&nbsp;பொலிஸ் நிலையத்திற்கு எடுத்துச் செல்லப்பட்டன. மேலும் இச்சோதனை நடவடிக்கையானது&nbsp;&nbsp;கிழக்குப் பிராந்தியத்துக்கு பொறுப்பான சிரேஷ்ட பிரதிப் பொலிஸ் மா அதிபர் சட்டத்தரணி&nbsp;வருண ஜெயசுந்தரவின் உத்தரவின் பேரில் அம்பாறை பிரிவுக்குப் பொறுப்பான&nbsp;பிரதி பொலிஸ் மா அதிபர்&nbsp;சுஜித் வேத முல்லவின் பணிப்புரைகமைய&nbsp;சிரேஷ்ட பொலிஸ் அத்தியட்சகர் பிரியந்த பண்டார கஸ்தூரியாராச்சி நெறிப்படுத்தலில் கல்முனை பிராந்திய உதவி பொலிஸ் அத்தியட்சகர் எம்.கே.இப்னு அசார்&nbsp;&nbsp;வழிகாட்டுதலில் சாய்ந்தமருது பொலிஸ் நிலைய பொறுப்பதிகாரி&nbsp;பொலிஸ் பரிசோதகர்&nbsp;&nbsp;டி.எஸ்.இந்திக&nbsp;தலைமையில் மேற்கொள்ளப்பட்டன. அத்துடன் இவ் விசேட சுற்றிவளைப்பு நடவடிக்கையில் மீட்கப்பட்ட மோட்டார் சைக்கிளின் உரிமையாளர்களுக்கு எச்சரிக்கையுடன் கூடிய அறிவுரைகள்&nbsp;சாய்ந்தமருது பொலிஸ் நிலைய பொறுப்பதிகாரி வழங்கியதுடன் சட்ட நடவடிக்கைகாக கைப்பற்றப்பட்ட மோட்டார் சைக்கிள்கள் சோதனை செய்யப்பட்டு வருகின்றன. குறித்த சுற்றிவளைப்பு நடவடிக்கையில்&nbsp;சாய்ந்தமருது பொலிஸ் நிலைய பல்வேறு பிரிவில் உள்ள பொலிஸார் கடமையில் ஈடுபடுத்தப்பட்டனர் என்பது குறிப்பிடத்தக்கது. &nbsp;பாறுக் ஷிஹான்

சாய்ந்தமருதில் வீதி விதிகளை மீறிய மோட்டார் சைக்கிள்கள் கைப்பற்றல்

சாய்ந்தமருதில் வீதி விதிகளை மீறிய மோட்டார் சைக்கிள்கள் கைப்பற்றல்

You may also like