இம்முறை வரவு செலவுத் திட்டத்தில் வாகன இறக்குமதிக்கான வரிச்சலுகைகள் எதுவும் அறிவிக்கப்படாதது தொடர்பில், வாகன இறக்குமதியாளர்கள் குழுவினர் நிதி அமைச்சிடம் விளக்கம் கோரியுள்ளனர். வரவு செலவுத் திட்டத்தில் வாகன இறக்குமதிக்கான சலுகைகள் வழங்கப்படாத காரணத்தினால், வாகனங்களின் விலைகளில் எவ்விதக் குறைவும் ஏற்படாது என வாகன இறக்குமதியாளர்கள் சுட்டிக்காட்டியுள்ளனர். இம்முறை வரவு செலவுத் திட்டத்தில் வாகன இறக்குமதிக்கு ஏதேனும் வரிச்சலுகைகள் அறிவிக்கப்படும் என எதிர்பார்த்திருந்த போதிலும், அவ்வாறான சலுகைகள் எதுவும் வழங்கப்படவில்லை என்றும் அவர்கள் தெரிவித்துள்ளனர். இது தொடர்பில் கருத்துத் தெரிவித்த வாகன இறக்குமதியாளர்கள் சங்கத்தின் உப தலைவர் அரோஷ ரொட்ரிகோ, வாகன இறக்குமதிக்கு ஏன் வரிச்சலுகை வழங்கப்படவில்லை என்பது குறித்து நிதி அமைச்சிடம் விளக்கம் கோரியதாகக் குறிப்பிட்டுள்ளார். இதன்போது, மத்திய கிழக்கில் நிலவும் போர்ச் சூழல் மற்றும் நாட்டின் அந்நியச் செலாவணி கையிருப்பு தொடர்பான காரணங்களை நிதி அமைச்சு முன்வைத்ததாகவும் அவர் தெரிவித்துள்ளார். இதன் காரணமாக, வாகன இறக்குமதிக்கு தற்போது விதிக்கப்பட்டுள்ள மேலதிக வரி உள்ளிட்ட ஏனைய வரிகளில் எவ்வித மாற்றமும் செய்யப்படாததால், வாகனங்களின் விலைகளில் குறைவு ஏற்படுவதற்கான வாய்ப்பில்லை என அவர் மேலும் தெரிவித்துள்ளார்.

வரவு செலவுத் திட்டத்தில் வாகன இறக்குமதிக்கு சலுகை இல்லை – வாகன விலைகள் குறையாது!

வரவு செலவுத் திட்டத்தில் வாகன இறக்குமதிக்கு சலுகை இல்லை – வாகன விலைகள் குறையாது!

You may also like