“உயிர்த்த ஞாயிறு தினத் தாக்குதல் சம்பவம் இடம்பெற்று சிறிது காலமே நாங்கள் ஆட்சியில் இருந்தோம். அதன் பின்னர் ஆட்சியும் மாறிவிட்டது. அந்தச் சம்பவம் இடம்பெற்றதன் பின்னர் ஆட்சிக்கு வந்த மூன்றாவது அரசாங்கமே தற்போது ஆட்சியிலிருக்கிறது. அதனால் யாராவது விசாரணைகளை முறையாக முன்னெடுத்துச் செல்வார்களாக இருந்தால் அது சிறந்ததாக இருக்கும். முன்னாள் ஜனாதிபதி என்ற அடிப்படையில் அதற்கான முழு ஒத்துழைப்பையும் இந்த அரசாங்கத்துக்கு வழங்குவேன்”என்று முன்னாள் ஜனாதிபதி மைத்ரிபால சிறிசேன தெரிவித்துள்ளார். நிகழ்வொன்றின் பின்னர் நேற்று (20) ஊடகங்களுக்கு கருத்துத் தெரிவிக்கும்போதே இவ்வாறு அவர் குறிப்பிட்டார். அவர் மேலும் கூறியதாவது, ‘‘நான் அறிந்த வகையில் ஆட்சியிலிருந்து ஒவ்வொரு அரசாங்கத்திலும் திருடர்கள் இருந்தார்கள். மத்திய வங்கி பிணைமுறி மோசடி தொடர்பில் ஜனாதிபதி விசாரணை ஆணைக்குழுவொன்றையும் நியமித்திருந்தேன். உயர் நீதிமன்ற நீதியரசர் தலைமையில் அந்த விசாரணை ஆணைக்குழுவை நியமித்திருந்தேன். எனது ஆட்சிக் காலத்தில் அந்த விசாரணைகள் முறையாக இடம்பெற்றிருந்தன. அதன் பின்னர் எதுவும் இடம்பெற்றதாக தெரியவில்லை. உயிர்த்த ஞாயிறு தினத் தாக்குதல் சம்பவம் இடம்பெற்று சிறிது காலமே நாங்கள் ஆட்சியில் இருந்தோம். அதன் பின்னர் ஆட்சியும் மாறிவிட்டது. அந்தச் சம்பவம் இடம்பெற்றதன் பின்னர் ஆட்சிக்கு வந்த மூன்றாவது அரசாங்கமே தற்போது ஆட்சியில் இருக்கிறது. அதனால் யாராவது விசாரணைகளை முறையாக முன்னெடுத்துச் செல்வார்களாக இருந்தால் அது சிறந்ததாக இருக்கும். முன்னாள் ஜனாதிபதி என்ற அடிப்படையில் அதற்கான முழு ஒத்துழைப்பையும் இந்த அரசாங்கத்துக்கு வழங்குவேன். பிரதான சூத்திரதாரிகளை இன்னும் தேடிக்கொண்டே இருக்கிறார்கள். 42 ரூபாவுக்கு குறைவாக பெற்றோல் கொள்வனவு செய்துள்ளேன். ஒவ்வொரு அரசாங்கங்களிலும் சர்வதேச அரசியல் தொடர்பு நீண்ட கதையாகும். தற்போதைய அரசாங்கத்தினரும் இலஞ்ச ஊழல் மோசடிகள் குறித்து குற்றச்சாட்டுகளை முன்வைத்திருக்கிறார்கள். என்னுடைய ஆட்சியில் உள்ளகப் பிரச்சினைகள் இருந்ததே தவிர நாட்டு மக்களுக்கு பிரச்சினை இருக்கவில்லை. மக்கள் மகிழ்ச்சியாகவே இருந்தார்கள்’’ என்றார்.

ஈஸ்டர் தின தாக்குதல் விசாரணைகளுக்கு முழு ஆதரவளிப்பேன்! - மைத்ரி

ஈஸ்டர் தின தாக்குதல் விசாரணைகளுக்கு முழு ஆதரவளிப்பேன்! - மைத்ரி

You may also like