அநுராதபுரம் ருவன்வெலிசாய விகாரைக்கு அருகில் நடைபெற்ற அமைதியான சத்தியாக்கிர போராட்டத்தை தேசிய மக்கள் சக்தியின் ஆதாரவாளரே கலவரமாக மாற்றியதாக பிவித்துறு எல உருமய கட்சியின் தலைவர் உதய கம்மன்பில தெரிவித்துள்ளார். கட்சித் தலைமையகத்தில் நடைபெற்ற&nbsp;ஊடகவியலாளர் மாநாட்டில் உரையாற்றும் போதே அவர் இதனை தெரிவித்தார். தொலைக்காட்சி ஊடகங்களில் வெளியிட்ட காணொளிகளில் நாம்&nbsp;கண்டவாறு, ஒரு ஐஸ்கிரீம் வியாபாரியும், நீல நிற டி-ஷர்ட் அணிந்திருந்த ஒரு நபரும்தான் அங்கு மோதலை&nbsp;ஏற்படுத்தினர். இல்லையெனில், அங்கே மிகவும் அமைதியான முறையிலேயே சத்தியாக்கிரகம் நடைபெற்றது. இறுதியில் பொலிஸார் அமைதியான முறையில் சத்தியாக்கிரகத்தில் ஈடுபட்டவர்களை மட்டுமே கைது செய்தனரே தவிர, மோதலை ஏற்படுத்தியவர்களை அல்ல.&nbsp; இந்த நபர்கள்தான் மோதலை ஏற்படுத்தினார்கள் என்று பொலிஸாரிடம் கூறியபோதும், அதற்கான வீடியோ சான்றுகள் இருந்தும் கூட இன்றுவரை அவர்கள் கைது செய்யப்படவில்லை. அந்த ஐஸ்கிரீம் வியாபாரியும் தேசிய மக்கள் சக்தி ஆதரவாளர் என்று பலர் கூறுகின்றனர். எனினும் அதற்கான சான்றுகள் இல்லை.&nbsp; ஆனால் அந்த நீல நிற டி-ஷர்ட் அணிந்திருந்த நபர் தேசிய மக்கள் சக்தியின் தேர்தல் விஞ்ஞாபன பத்திரிகைகளை ஜனாதிபதித் தேர்தல் காலத்தில் விநியோகிக்கும் புகைப்படங்கள் சமூக வலைத்தளங்களில் உலவுகின்றன. அப்படியானால், இவர்கள் அரசுக்கு சாதகமாகச் செயல்படும் ஆதரவாளர்கள் என்பதனால்தான் பொலிஸார் அவர்களைக் கைது செய்யத் தயங்குகிறார்களா என்ற கேள்வி நமக்கு எழுகிறது. அதேபோன்று, அநுராதபுரம் புனித நகர அபிவிருத்தித் திட்டம் குறித்து பௌத்தர்களின் மனங்களில் எழுந்துள்ள சந்தேகத்தையும், அச்சந்தேகத்தினால் எழுந்த கொந்தளிப்பையும் பொலிஸ் அடக்குமுறை மூலம் அடக்கிவிட முடியாது என்பதை நாம்&nbsp;அரசாங்கத்திற்கு நினைவூட்டுகிறோம்.

ருவன்வெலிசாய கலவரத்தின் பின்னணியில் யார்? வெளிப்படுத்திய கம்மன்பில

ருவன்வெலிசாய கலவரத்தின் பின்னணியில் யார்? வெளிப்படுத்திய கம்மன்பில

You may also like