மஹரகம அபேக்ஷா வைத்தியசாலை உள்ளிட்ட அரச வைத்தியசாலைகளில் புற்றுநோய் சிகிச்சைக்கு அத்தியாவசியமான ‘பில்கிராஸ்டிம்’ ஊசி மருந்துக்கு நிலவும் தட்டுப்பாட்டை ஒரு வாரத்திற்குள் தீர்க்க நடவடிக்கை எடுக்கப்படும் என சுகாதார அமைச்சர் நளிந்த ஜயதிஸ்ஸ பாராளுமன்றத்தில் உறுதியளித்துள்ளார். பாராளுமன்ற உறுப்பினர் சாணக்கியன் இராசமாணிக்கம் எழுப்பிய கேள்விக்கு பதிலளித்த அமைச்சர், மருந்து தட்டுப்பாடு நிலவுவதை அரசாங்கம் ஏற்றுக்கொள்வதாகவும், இதற்குத் தீர்வு காண விசேட மருத்துவக் குழுவொன்று நியமிக்கப்பட்டுள்ளதாகவும் தெரிவித்தார். கீமோதெரபி உள்ளிட்ட புற்றுநோய் சிகிச்சைகளில் பயன்படுத்தப்படும் இந்த ஊசியை தட்டுப்பாடு காரணமாக நோயாளர்கள் தனியார் மருந்தகங்களில் அதிக விலைக்கு கொள்வனவு செய்ய வேண்டிய நிலை ஏற்பட்டுள்ளதாக சாணக்கியன் சுட்டிக்காட்டினார். மேலும், முறையான கொள்முதல் நடவடிக்கைகளுக்கு குறைந்தது ஆறு வாரங்கள் தேவைப்படும் என அமைச்சர் தெரிவித்ததுடன், உடனடி தேவையைப் பூர்த்தி செய்து ஒரு வாரத்திற்குள் தட்டுப்பாட்டை நிவர்த்தி செய்ய நடவடிக்கை எடுக்கப்பட்டுள்ளதாகவும் குறிப்பிட்டார்.

புற்றுநோய் மருந்து தட்டுப்பாட்டுக்கு ஒரு வாரத்தில் தீர்வு – அமைச்சர் உறுதி

புற்றுநோய் மருந்து தட்டுப்பாட்டுக்கு ஒரு வாரத்தில் தீர்வு – அமைச்சர் உறுதி

You may also like