விமான எரிபொருள் விலை உச்சத்தை தொட்டு வருவதாலும் மத்திய கிழக்கில் நிலவும் போர் சூழ்நிலை காரணமாக ஸ்ரீலங்கன் ஏயார்லைன்ஸ் நிறுவனம் கடும் நிதி நெருக்கடியை எதிர்நோக்கியுள்ளதாக தெரியவந்துள்ளது. நிதியமைச்சின்&nbsp;நிதி அறிக்கையின்படி 2026-27 நிதியாண்டின் முதல் காலாண்டில் மட்டும் நிறுவனத்தின் வரிக்கு முந்தைய நட்டம் 35.6 பில்லியன் ரூபாயாகும். மொத்த வருமானம் 82.8 பில்லியன் ரூபாய் வரை அதிகரித்துள்ள போதிலும், அதிகரித்து வரும் முகாமைத்துவ செலவுகள், எரிபொருள் மற்றும் பராமரிப்புக் கட்டணங்கள் அத்துடன் அந்நியச் செலாவணி நஷ்டம் காரணமாக இந்த பாரிய இடைவெளி உருவாகியுள்ளது. இருப்பினும் அதன் துணை நிறுவனமான 'ஸ்ரீலங்கன் கேட்டரிங்' நிறுவனம் 3.4 பில்லியன் ரூபாய் நிகர இலாபத்தைப் பெற்றுள்ளதால் குழுமத்தின் மொத்த நிகர நஷ்டத்தை 32.2 பில்லியன் ரூபாய் வரை சற்றே குறைத்துக்கொள்ள முடிந்துள்ளது. 2026 ஜூன் மாத நpலைமைப்படி நிறுவனத்தின் மொத்த சொத்துக்களின் மதிப்பு 209.9 பில்லியன் ரூபாயாக இருந்தபோதிலும் மொத்தப் பொறுப்புகள் (கடன்கள்) 561.4 பில்லியன் ரூபாய் வரை உயர்ந்துள்ளதால் மூலதனம் கடுமையாகப் பாதிக்கப்பட்டுள்ளது. இது குறித்து கருத்து தெரிவித்துள்ள ஸ்ரீலங்கன் ஏயார்லைன்ஸ் நிறுவனத்தின் தலைமை நிர்வாக அதிகாரி விபுல் மிஸ்ரா,&nbsp; உலகச் சந்தையில் கச்சா எண்ணெய் விலை உயர்ந்து வருவதால் கச்சா எண்ணெய் சுத்திகரிப்பு நிறுவனங்கள் பெட்ரோல் மற்றும் டீசல் உற்பத்தியில் அதிக கவனம் செலுத்துவதாகவும், இதனால் விமான எரிபொருள் விநியோகம் கட்டுப்படுத்தப்பட்டு விலை பெருமளவில் உயர்ந்துள்ளதாகவும் சுட்டிக்காட்டியுள்ளார்.

ஸ்ரீலங்கன் ஏயார்லைன்ஸ் நிறுவனத்தில் நிதி நெருக்கடி:காலாண்டில் 35.6 பில்லியன் நட்டம்

ஸ்ரீலங்கன் ஏயார்லைன்ஸ் நிறுவனத்தில் நிதி நெருக்கடி:காலாண்டில் 35.6 பில்லியன் நட்டம்

You may also like