தமிழ்நாட்டை நோக்கி அடுத்து வரும் புயலுக்கு 'முரசு' என்று தமிழில் இந்தியா பெயர் சூட்டியுள்ளது. புயலுக்கு பெயர் சூட்ட 9 நிபந்தனைகள் புயலுக்கான பெயர்களை 13 அங்கத்துவ நாடுகள் தேர்வு செய்கின்றன. புயலுக்கு பெயர் வைக்க 9 நிபந்தனைகளும் பின்பற்றப்படுகின்றன. அதாவது, புயலின் பெயரில் எவ்வித அரசியல், அரசியல் பிரபலங்களின் பெயர்கள், கலாசாரம், மத நம்பிக்கை, இனம் போன்றவை பிரதிபலிக்கக்கூடாது. மக்களின் உணர்வுகளை காயப்படுத்தும் வகையில் பெயர் இருக்கக்கூடாது. மிகவும் கொடூரமானதாக இருக்கக்கூடாது. சிறியதாகவும், உச்சரிக்க எளிதாகவும் இருக்க வேண்டும். புயலின் பெயர் அதிகபட்சம் 8 எழுத்துகளுக்குள் இருக்க வேண்டும். மேலும், பெயரை பரிந்துரைக்கும் நாடுகள் அதற்கான சரியான உச்சரிப்பையும் தெரிவிக்க வேண்டும். பரிந்துரைக்கப்படும் பெயரை நிராகரிக்க 13 நாடுகளின் வானிலை ஆய்வு நிபுணர் குழுவுக்கு உரிமை உண்டு. ஒரு முறை பயன்படுத்தப்பட்ட பெயர்களை மீண்டும் வைக்கக்கூடாது. இந்த நிபந்தனைகளின் அடிப்படையில் ஒரு நாடு தலா 13 பெயர்களை பரிந்துரைக்க முடியும். இந்த பெயர்கள் சுழற்சி முறையில் ஆங்கில அகர வரிசைப்படி பயன்படுத்தப்படும். இந்த நிலையில், தென்மேற்கு வங்கக் கடல் பகுதிகள் மற்றும் அதனையொட்டிய தமிழக கடலோரப் பகுகளின் மேல் ஒரு குறைந்த காற்றழுத்த தாழ்வுப் பகுதி இன்று உருவாகியுள்ளது. இதேபோல், வரும் 23-ந் திகதி(நாளை மறுநாள்) தென்கிழக்கு மற்றும் அதனையொட்டிய கிழக்கு மத்திய வங்கக்கடலில் ஒரு குறைந்த காற்றழுத்த தாழ்வுப் பகுதி உருவாக வாய்ப்பு உள்ளது.&nbsp; இதேபோல், தாய்லாந்து மற்றும் மியான்மர் பகுதிகளின் மேல் நிலவிய வளிமண்டல சுழற்சி இன்று காலை நிலவரப்படி அதே பகுதியில் நீடிக்கிறது. இது இன்று வடக்கு அந்தமான் கடற்பகுதிக்கு நகர்ந்து வரக்கூடும். அதன்பிறகு இது மேற்கு வடமேற்கு திசையில் நகரக்கூடும்.

தமிழ்நாட்டை நோக்கி அடுத்து வருவது 'முரசு' புயல்: தமிழ் பெயரை சூட்டியது இந்தியா !

தமிழ்நாட்டை நோக்கி அடுத்து வருவது 'முரசு' புயல்: தமிழ் பெயரை சூட்டியது இந்தியா !

You may also like