தென் கொரிய ஜனாதிபதி லீ ஜே மியுங் (Lee Jae Myung) வடகொரியாவுடன் நீண்டகாலமாக நிலவிவரும் கொரியப் போரை அதிகாரப்பூர்வமாக முடிவுக்குக் கொண்டுவருவதற்கான பேச்சுவார்த்தைகளுக்கு அழைப்பு விடுத்துள்ளார்.&nbsp; ஜப்பானின் 1910-1945 காலனித்துவ ஆட்சியிலிருந்து கொரியா விடுதலை பெற்றதைக் கொண்டாடும் ஆண்டு விழா நேற்று(15) இடம்பெற்ற ஆற்றிய உரையில் ஜனாதிபதி லீ ஜே மியுங் இதனை தெரிவித்தார். 1950-53 ஆம் ஆண்டு கொரிய மோதலின் போது வடகொரியாவின் தாக்குதலால் தொடங்கிய போர், அமைதி ஒப்பந்தத்திற்குப் பதிலாக ஒரு போர்நிறுத்தத்துடன் முடிவடைந்ததால், இரு கொரியாக்களும் தொழில்நுட்ப ரீதியாக இப்போதும் போர்க் நிலையிலேயே இருக்கின்றன. நேரடியாகச் சம்பந்தப்பட்ட தரப்பினராகிய நாம், ஒருவரையொருவர் அச்சுறுத்தும் எண்ணங்களைக் கைவிட்டு, நீண்டகாலமாக நீடிக்கும் போரை முடிவுக்குக் கொண்டுவருவதற்கான விவாதங்களைத் தொடங்குவோம் என்று லீ தனது உரையில் கூறினார். இதன் மூலம், வடகொரியாவின் அணுசக்தி திறன்களின் வளர்ச்சியைத் தடுப்பதற்கான பயனுள்ள நடவடிக்கைகளைப் பற்றி விவாதிப்பதும் சாத்தியமாகலாம் என்றும் அவர் கூறினார். வடகொரியா இந்த வாரம் வரவிருக்கும் அமெரிக்க-தென் கொரிய கூட்டு ராணுவப் பயிற்சிகளைக் கண்டித்து, வலுவான தடுப்பு நடவடிக்கைகளை எச்சரித்திருந்த வேளையில் ஜனாதிபதி லீ ஜே மியுங் இந்த கருத்தை வெளியிட்டுள்ளமை குறிப்பிடத்தக்கது.

போரை முடிவுக்குக் கொண்டுவருவோம்! வடகொரியாவுக்கு அழைப்பு

போரை முடிவுக்குக் கொண்டுவருவோம்! வடகொரியாவுக்கு அழைப்பு

You may also like