ஒரு மனிதனின் தொப்புளைப் பார்த்தால் போதும் அவரது ஆரோக்கியத்தை கூறமுடியும் என பலர் சொல்லக் கேட்டிருப்போம்.&nbsp; ஒரு குழந்தை பிறக்கும்போது தொப்புள் கொடி அதை தாயுடன் இணைக்கிறது. இது தாய்க்கும் குழந்தைக்கும் இடையில் ஒரு பிணைப்பை உருவாக்குகிறது.&nbsp; இந்த தொப்புள் கொடியானது தாயிடமிருந்து கருவுக்கு இரத்தத்தைக் கொண்டு செல்லும் இரத்த நாளங்களுக்கு ஒரு நங்கூரப் புள்ளியாக செயல்படுகிறது.&nbsp; தொப்புள் கொடியை சுற்றியுள்ள இணைப்புத் திசு அதனைப் பாதுகாக்கிறது.&nbsp; தொப்புள் கொடியில் மூன்று இரத்த நாளங்கள் இருக்கும். அதில் ஒன்று, கருவுக்கு ஒட்சிசன் மற்றும் ஊட்டச்சத்துக்களை கொண்டு செல்லும். மேலும் தொப்புள் கொடியில் ஒட்சிசனேற்ற இரத்தம் மற்றும் கழிவுப் பொருட்களை எடுத்துச் செல்லும் தொப்புள் தமனிகள் உள்ளன.&nbsp; நமது உடலில் ஏற்படும் சில கோளாறுகளை தொப்புள் கொடியின் மூலம் கண்டறியலாம். குழந்தை பிறந்ததுமே அதன் தொப்புள் கொடியிலுள்ள, சுமார் 80 மி.லி. இரத்தத்தை தொப்புள் கொடி இரத்தம் (Umbilical cord blood) என்பார்கள். இந்த இரத்தத்தில் ஏராளமான ஆதார செல்கள் (ஸ்டெம் செல்கள்) உள்ளன. இந்த ஆதார செல்களிலிருந்து உடலின் உறுப்புகளை உருவாக்கலாம். இந்த இரத்த ஆதார செல்களை குழந்தை பிறக்கும்போது தொப்புள் கொடியிலிருந்து பிரித்தெடுத்து, பத்திரமாக வைத்துகொண்டால், இரத்த சம்பந்தமாக ஏற்படும் 80இற்கும் மேற்பட்ட நோய்களை குணமாக்கலாம். இந்த சேமித்த ஆதார செல்களைப் பயன்படுத்தி அந்த குழந்தையையோ அல்லது இது பொருந்தக்கூடிய மற்ற குழந்தையையோ குணமாக்கி விடலாம்.

நோய்களை குணமாக்கும் தொப்புள் கொடி

நோய்களை குணமாக்கும் தொப்புள் கொடி

You may also like