இரண்டு வெவ்வேறு பகுதிகளில் மோட்டார் சைக்கிள்கள் சம்பந்தப்பட்ட தனித்தனி வீதி விபத்துக்களில் இருவர் உயிரிழந்துள்ளதாகப் பொலிஸார் தெரிவித்தனர். காலி, அம்பலன்வத்தை பகுதியில் மோட்டார் சைக்கிளொன்று துவிச்சக்கர வண்டியுடன் மோதியதன் மூலம் இடம்பெற்ற, விபத்தில் மோட்டார் சைக்கிள் சாரதியும் துவிச்சக்கர வண்டி சாரதியும் காயமடைந்து கராபிட்டிய போதனா வைத்தியசாலையில் அனுமதிக்கப்பட்டனர். பின்னர் சிகிச்சை பெற்று வந்த துவிச்சக்கரவண்டி சாரதி காயங்கள் காரணமாக உயிரிழந்ததாகப் பொலிஸார் தெரிவித்தனர். உயிரிழந்தவர் காலி, அம்பலன்வத்தை பகுதியைச் சேர்ந்த 65 வயதுடையவர் என அடையாளம் காணப்பட்டுள்ளார். இதற்கிடையில், மாதம்பை, தம்பகல்ல பகுதியில் இடம்பெற்ற மற்றொரு விபத்தில் மோட்டார் சைக்கிள் லொறியொன்றுடன் மோதியதில் மோட்டார் சைக்கிள் சாரதி உயிரிழந்தார். உயிரிழந்தவர்&nbsp;வீரகொடியான பகுதியைச் சேர்ந்த 25 வயதுடையவர் எனப் பொலிஸார் தெரிவித்தனர். இரண்டு விபத்துக்கள் தொடர்பிலும் மேலதிக விசாரணைகளை பொலிஸார் மேற்கொண்டு வருகின்றனர்.

மோட்டார் சைக்கிள் விபத்துக்கள் குறித்து பொலிஸார் வழங்கிய தகவல்

மோட்டார் சைக்கிள் விபத்துக்கள் குறித்து பொலிஸார் வழங்கிய தகவல்

You may also like