மத்திய பசுபிக் பெருங்கடலில் உருவான எல்நினோ தாக்கம் இந்து சமுத்திரப் பிராந்தியத்திற்குள் ஊடுருவியுள்ளதால், ஜூலை முதல் அக்டோபர் வரை இலங்கையில் அதிக வெப்பம் நிலவும் என யாழ்ப்பாணப் பல்கலைக்கழக புவியியல் துறை பேராசிரியர் நாகமுத்து பிரதிபராஜா தெரிவித்துள்ளார். யாழ்ப்பாணத்தில் நடைபெற்ற எல்நினோ தொடர்பான செயலமர்வில் கருத்து தெரிவித்த அவர், வட மாகாணத்தின் முல்லைத்தீவு, மன்னார் மற்றும் கிளிநொச்சி மாவட்டங்களில் கடுமையான நீர்த் தட்டுப்பாடு ஏற்படும் அபாயம் காணப்படுவதாக எச்சரித்துள்ளார். ஜூலை முதல் செப்டம்பர் வரை வறட்சி நிலவும் என்றும், அதன் பின்னர் அக்டோபர் மற்றும் நவம்பரில் அதிக மழைவீழ்ச்சி பதிவாகும் வாய்ப்புள்ளதாகவும் அவர் குறிப்பிட்டுள்ளார். எனவே, எதிர்வரும் மாதங்களில் ஏற்படக்கூடிய நீர்த் தட்டுப்பாட்டை சமாளிக்க பொதுமக்கள் நீர் முகாமைத்துவத்தை முறையாக பின்பற்ற வேண்டும் என அவர் வலியுறுத்தினார்.

ஜூலை முதல் நாட்டில் எல்நினோ தாக்கம் தீவிரம்

ஜூலை முதல் நாட்டில் எல்நினோ தாக்கம் தீவிரம்

You may also like